非常檢控觀｜陳煒馬德鐘逾3分鐘隔空對峙超精彩親揭鏡頭背後難度爆燈：我好鍾意呢場戲

點讚

撰文：柔娛絲

發佈日期：2026-02-12 13:45

熱播中的《非常檢控觀》，今晚（12日）一集王頌星（陳煒飾）與包希仁（馬德鐘飾）上演隔空對峙場口，獲一班觀眾拍爛手掌。

劇情講到包家勉（丘梓謙飾）向警方自首，頌星叮囑家勉不可認罪，更教他如何在庭上自辯，另一邊廂希仁則指導檢控官如何指控家勉，頌星希仁針鋒相對，各有理據，這場逾3分鐘隔空對峙畫面超精彩，猶如在法庭上對峙一樣。

而且，頌星在這集由得知愛子家勉自首，到他在庭上認罪，完美展現對愛子的關懷之情，特別她見到家勉自責到認罪，她將那份心痛和有心無力的感情表露無遺，令觀眾極為動容。

大批觀眾也指這集十分催淚，指陳煒與丘梓謙這份母子情相當感人，又大讚她與馬德鐘這場隔空對峙一幕非常好睇，並留言「少啲功力都做唔到」、「馬神同煒哥對戲真係好有火」、「睇到我心跳加速」。

談到這場與馬德鐘的隔空對峙戲，陳煒接受tvb.com獨家訪問親揭當時二人並不是同環境拍攝，故看不見對方，因此拍攝時有難度，「呢場戲有好多頁紙，加埋馬神都有起碼10頁，所以我除咗要背得好熟啲對白外，仲要捉到同馬神喺法庭對峙嘅感覺，咁樣剪出嚟先會好睇，我都好鍾意呢場戲。」

她續說：「我記得係拍咗馬神先，現場導演都有畀我睇馬神點樣演，咁我再調整自己嘅語速演繹嚟回應。」

至於今次與丘梓謙演母子，她大讚對方為人謙虛好學，也十分喜歡演戲，「我同佢合作得好開心，同埋今次佢都做得好好，出嚟嘅感覺真係令人覺得佢對行醫好有抱負，但無奈又唔識得點樣管理家族生意嘅矛盾。」

主頁