非常檢控觀｜蔡菀庭分半鐘Solo爆seed痛哭 親爆監獄戲素顏上陣一原因：演藝生涯入面好大里程碑

另一場徐彥楓被警方拘捕入獄後，王頌星（陳煒飾）和包希仁（馬德鐘飾）到監獄找她，小禹醒後找徐彥楓，不但表示沒有責怪她，反怪責自己沒有盡到好朋友的責任，她更趁最後一口氣指今次事件是意外不關任何人事。

徐彥楓聽到小禹一番話後激動痛哭，「你冇錯！係我對唔住你」。她再道出自己一直妒忌小禹，邊流着淚說「佢屋企破產，我不知幾開心，佢同包家勉分手，我好心涼，因為佢搶咗我暗戀嘅人，點會有好結果。」、「我要佢死都要孭住食聰明藥嘅污名」。

最後她感到十分慚愧，「點解佢連死嗰刻都要維護我，最唔光彩嗰個係我，對唔住阿小禹」令人看得心酸。

蔡菀庭在這場逾分半鐘的Solo戲，將一直以來對戴祖儀的憎恨、妒忌到最後的愧疚之情也表露無遺，演得相當不俗，完全感受到其內心複雜情緒，難怪不少觀眾指她表現出色，留言表示「喺兩個好戲之人面前做Solo真係唔簡單」、「我覺得佢做得好好」、「佢有潛質呀」。

談到今次角色是其入行以來較重戲份的一角，蔡菀庭接受tvb.com獨家訪問直言此角是其演藝生涯入面的里程碑，「因為呢個係好完整嘅角色， 令我體驗到成個角色嘅人生， 我記得一開始接到呢個角色時係開心到喊，慢慢就變咗好緊張同擔心。」

她指拍攝過程感謝陳煒和馬德鐘的幫忙，十分照顧她， 蔡菀庭憶述在監獄那場爆喊戲，全因是頭幾場要拍攝的場口，故感到十分緊張，「我成個下晝都係架車度， 一路讀對白，一路醞釀情緒，煒哥見到我就問有咩幫到我，仲同我傾個角色又解釋我唔明嘅地方，真係好感激佢。」