/public/tvbcom/article/images/202602/92b3e36e-c911-4219-99e9-9963b5bd8709.jpg)
《非常檢控觀》現正熱播中，今晚（2日）一集王頌星（陳煒飾）以自身經歷范小禹（戴祖儀飾）謙卑面對與家勉的關係，面對感情時不要「計數咁計」，更談及昔日與包希仁（馬德鐘飾）的一段情。
原來當時包希仁的大哥包希智（吳子沖飾）一直暗戀頌星，當他得知對方與自己的細佬拍拖後晴天霹靂，相當傷心。
延伸閱讀：非常檢控觀｜梁超怡演年輕版陳煒 為角色學芭蕾舞苦練呢個動作 自爆練習曾弄傷膝頭：我啲筋好硬
非常檢控觀｜戴祖儀學生妹Look勁清純！戲如人生同樣係律政新人王 英國名牌大學畢業背景猛料
非常檢控觀｜戴祖儀仙氣閨密惹關注 猛料背景大起底！「四料」選美冠軍 曾於《愛·回家》分飾20+個角色
:quality(80)/public/tvbcom/article/images/202602/5ef8b5fb-a44e-4b8a-807d-a14567522ab5.png)
為了顧及大哥的感受兼不想做加害者的身份，希仁決定與頌星分手，更非常理性說出「我剩係知失去你，我嘅痛苦有80，但我阿哥有成120。」頌星邊喊邊說「呢堆數字點得出嚟，點解感情可以咁樣量化。」既傷痛又憤怒。
這場分手戲對於演頌星年青版的梁超怡感受甚深，她接受tvb.com獨家訪問自言是第一次拍喊戲，更自爆初時流不出眼淚，全靠阮浩棕幫忙，「一開始都醞釀咗一陣，浩棕就喺旁邊引導我叫我諗啲傷心嘅經歷，我邊諗就慢慢情緒到落淚。」
她自言是感性的人，「我本身都係一個幾容易喊嘅人，但第一次要面對鏡頭同埋咁多人望住就變咗好有壓力，好難即時喊出嚟，所以好感謝浩棕嘅幫忙。」
至於演希仁年青版的阮浩棕受訪直言這場戲非常複雜，需相當了解角色情感，「佢同馬德鐘嘅鏡反射好唔同，因為佢未成熟，由細到大不斷都感受其他人情緒 ，對於自己嘅情緒理解都唔多，所以變咗會好理性分析自己同其他人嘅情緒係點樣，所以就出現咁理論嘅對白。」
這幕分手戲令不少網民勾起當年《談情說案》「Professor King」林峯對「犀利妹」楊茜堯說分手，皆因當時林峯亦以「計錯數」為分手理由，「犀利妹」更說出「我哋之間幾時開始變咗一條數」，男方同樣將感情理論化，難怪引觀眾關注，留言「希仁真係傷得頌星好深」、「兩個人一齊又變咗條數」、「希仁同Professor King都係咁理性」。
