非份之罪｜阮浩棕自爆螢幕初吻獻畀劉佩玥親身上陣「碌落山」冇有怕：同佢嘅戲好舒服放心

點讚

撰文：柔娛絲

發佈日期：2026-07-27 13:30

《非份之罪》今晚（27日）迎來新單元「恐怖情人」，阮浩棕在劇中周旋於不同女演員之間，飾演室內設計師「游有方」，認真艷福無邊。

講到室內設計師游有方（阮浩棕飾）與前妻文雅淇（劉佩玥飾）因性格不合，結束一年婚姻。有方於酒吧認識女靈媒蕭紫遙（余思霆飾），碟仙預言有方會跟有緣女子於三個特定環境相遇，更會一同歷劫。

而有方隨後頻頻偶遇前妻雅淇，令他不禁回想起二人昔日的甜蜜往事。不料兩人在郊野公園發生意外，雅淇為了替有方拾回平安符不慎滾下山坡，有方為救前妻竟同樣意外跌落山撞向大石，瞬間命懸一線！

阮浩棕接受tvb.com獨家訪問透露今次與劉佩玥第三度合作，更大爆自己的螢幕「第一次」親吻戲就是獻給對方，「嗰時喺《隱門》都係同阿Moon演CP，當時我第一次拍咀戲比較緊張，所以到今次再度合作有啲親密戲已經從容好多，自己冇咁尷尬同怕醜。」

他指與阿Moon合作默契十足，「同佢嘅戲係好舒服放心，我哋對對方都有絕對嘅信心會知道對方交咩出嚟，令到大家嘅演出效果更加好。」

談到要「碌落山」的場口，阮浩棕自言在頭半段乃是親身上陣，「我記得當日現場武指黑哥突然問我有冇信心碌一個，我望一望個佈滿大石嘅山坡仲問佢係咪講笑。原來佢係想我拉住阿Moon碌落山嗰度碌前半段，因為比較安全同佢覺得我會做到。」

他笑言：「拍完嗰部分，阿Moon係咁話我黐線同埋要介紹畀其他監製搵我拍動作戲。不過最危險嘅部分都係由替身完成，要多謝武術組同替身同事嘅辛勞，先有咁精彩嘅畫面。」

主頁