非份之罪｜吳偉豪演出大突破 首演衰格Mean爆角色 親揭唔跟劇本做：我最初真係唔慣個角色咁串

劇中危家仁是一位自大、自私兼勁Mean的人，為了流量令觀眾課金打賞不擇手段，總之「咩都做得出」毫無道德底線。其中一幕家仁逼網紅藍芯凌（胡敏芝飾）穿上超大尺度的比堅尼「着咗等於冇着」，當他見到芯凌竟用了泳衣打底的時候，態度勁差表示「你直接着呢件咪得囉！」、「仲企喺呢度做咩，換衫啦！」幸好最終網台總監徐忠泰阻撓才擱置計劃。

另一幕，危家仁表面扮放權予駿傑（張翼東飾），卻暗中錄低對方的說話，惡意扭曲對方的原意致駿傑的搞笑片獲得不少負評，責罵他不應這樣對輪椅人士，有意令駿傑揹鑊，做事陰險。

當駿傑得悉後大罵家仁 ，家仁則狂踩對方：「如果我忌才就唔會執你兩件垃圾返嚟，教你哋拍片剪片同埋度橋啦」、「你兩個覺得自己有料，我咪放手畀你哋擔大旗，結果好明顯，負評多到數唔晒，證明咗你兩隻嘢幾無能」句句都Mean到爆！

但在復健會代表和徐總面前，家仁立即「變臉」，將所有責任推到駿傑身上，更趁機展現自己能幹、有承責的一面將雙面人的奸詐演繹得淋漓盡致。

劇集播出後，很多網民對吳偉豪的表現感驚喜，指從來未見過其這一面，想不到他演得入型入格，做得超衰格，紛紛留言「估唔到Ricco演得咁好喎！」、「朱凌凌變了」、「第一次見Ricco做呢啲角色，好正呀！」