臥底嬌娃｜陳瀅爆Seed晒喊功青筋暴現 網民憑一點發現馬貫東有古怪

妙姿喝到酩酊大醉，相約奕風見面，當奕風扶她回家休息時，妙姿將她與嘉盈的照片給奕風看，並邊講邊眼泛淚光：「呢個女仔嘅死好值得我哋去查，佢係我最好最好嘅朋友，佢叫蘇嘉盈。」

妙姿再對奕風細訴成長背景，「我細細個父母就死咗，係我姨媽湊大我，但我姨丈成日打我同姨媽，好彩有嘉盈喺度，佢成日都陪住我，佢有一個好神秘嘅力量，會令人相信，呢個世界充滿希望。」

她愈講愈激動，淚水湧現表示「其實佢父母好錫佢，喺一個好好嘅屋企環境長大，但佢同佢父母講好想試下獨立生活，其實係因為佢想陪我，因為佢知道我冇表面咁堅強。」

她更喊到臉上青筋暴現：「警察報告話佢吸毒，所以喺天台度跌落嚟，佢唔會吸毒㗎，我好想還佢一知清白。」

這幕陳瀅的爆喊Solo戲，由最初眼泛淚光，慢慢淚水湧現再爆喊，喊得有層次，令人看得心痛，更指感受到她與蘇嘉盈的情誼深厚，難怪獲觀眾讚她演技大躍進。