臥底嬌娃｜張曦雯一集換裝9次似行騷 兔女郎黑絲look最吸睛

今晚（26日）一集除看到沈佳琪智慧一面，更換足9套衫，似行騷一樣，套套衫也養眼十足！

劇情講到潘奕風（馬貫東飾）向步青（黃子雄飾）提出，要組建臥底小隊。沈佳琪推理出考核的約見地點，遇上已在等候自己的潘奕風，不過她拒絕做潘奕風臥底，更表示「我問過我表妹點解你咁想做警察，佢話要伸張正義，但從我懂事以嚟，我冇遇過任何唔公平嘅對待，所以冇你哋口中嘅正義感。」果然既聰明又有性格。

而且，她在今晚一集換足9套衫，除有西裝短裙短牌斯文Look、家居眼鏡Look，其中她化身兔女郎，穿上黑色Tube dress兼黑絲上陣，大騷白滑香肩加長腿，將其弗爆身材表露無遺，簡直養眼度爆燈！

難怪不少網民也指被張曦雯吸引眼球，大讚她是「行走的衣架」，每套衫也完美carry，「Kelly套套都好襯佢」、「好鍾意Kelly個角色，又靚又叻」、「好想好似佢咁Fit」。