璀璨之城｜張智霖眼神殺爆發狠心「弒父」姜大衛毒舌狂言遭推落樓梯 親爆曾想親身上陣：睇劇本時諗過自己做

孝賢接觸海外投資者陳在碩（吳子冲飾），志琛暗中截胡，搶先與在碩會面，但其實在碩乃是「空心老倌」借志琛成立的基金進行商業詐騙，更被馬來西亞政府通緝。原來這一切乃是孝賢與孝君暗中佈局，要在志琛最高峰時拉他「下馬」。

其後孝賢相約志琛在大潭山郊野公園見面，孝賢提出與秉麟（李成昌飾）可幫他解決陳在碩的一百億問題，逼他交出公司股份，並不能再插手公司任何事務。

老奸巨猾的志琛毫無懼色，連環狂飆毒舌金句，「冇我官志琛，你連做廢柴二世祖都冇機會」甚至侮辱其亡母：「我都唔知你阿媽點解會生出你咁嘅廢柴。」

志琛更得戚嘲諷：「你哋以為陳在碩嗰一百億我填唔上咩，你哋真係太過睇小我」、「你有份幫我搬錢，但你哋唔知道螞蟻搬屋可以搬到幾多，一定唔係你諗得咁少 ，傻仔。」隨後更以手握孝賢罪證作威脅：「你要我死，我實搵你墊屍體」 更拍他面頰說：「你今生可以做我個仔已經好幸福，廢柴」！

面對父親毫不留情的挑釁與羞辱，孝賢全程默不作聲，僅以充滿恨意與怒火的「眼神殺」交戲。在情緒累積至臨界點，孝賢終於失控狠心將志琛推落樓梯！

這場John哥與Chilam兩父子鬥戲場口，相當精彩，John哥將角色無情、老奸巨猾的性格演繹得淋漓盡致，而 Chilam 則憑簡短對白與眼神展現出極具層次的內心戲，兩人的高水準對戲獲網民一致好評。

談到這場震撼的跌落樓梯戲，監製陳維冠（Joe）透露 John哥當初睇劇本時，竟曾主動提出想親身上陣，但鑑於樓梯彎位多且有安全風險，被他極力阻止。

John哥接受tvb.com獨家訪問時親證此事：「睇劇本見到呢場戲確實想過自己做，但Joe 極力阻止，加上後來睇到條樓梯真係太多彎，真係要搵專業替身。」

談到 Chilam 要親手推他，John哥笑言：「大家都拍咗咁多年戲，Chilam識得就力，我亦識得借力，紮好個馬步。」