《玫瑰戰爭》今(20日)播出一集,陳豪(阿Mo)飾演的娛樂圈大亨生哥陳雲生,在辦公室向下屬藍鳳儀(姚子羚飾)大發雷霆,怒罵戲壓迫感十足,嚇窒不少觀眾。網民紛紛激讚他盡顯視帝功架:「連皺紋都咁有戲」!
延伸閱讀:
+3
劇情講到,鳳儀被夏無雙(楊茜堯飾)曝光藏有關子盈(陳自瑤飾)陪客片,闖出大禍,生哥得悉後在辦公室質問鳳儀!他先是以背面示人,沉聲道:「叫你做嘅每一件事,完成唔到不特只…」話音未落,突然大聲怒吼:「次次都有手尾跟嘅!」辦公室氣氛瞬間凝固,場面可怕。
緊接著生哥轉身一指,迫人氣場撲面而來,令人窒息:「講,點解你電腦入面會有呢條片嘅?」向來處變不驚的鳳儀都被生哥強大的氣場嚇到語無倫次,她欲開口解釋卻被生哥無情打斷:「你唔好同我講廢話!」一旁的徐曄(張頴康飾)還想幫口,也被生哥一句話逼回:「我問你咩,插乜嘴!
生哥隨即更發出三連「死亡追問」:「我問多你一次,呢條片點解你有copy?留嚟做乜?攞嚟對付我啊?」字字逼人,鳳儀帶住哭腔解釋。最後生哥暴跳如雷、雙眼赤紅地向她下達死令:「就算佢叫你退出娛樂圈,你都照做!」更表示如若解決不了就要和其劃清界線。
現實生活中向來溫和、平易近人的阿Mo,與劇中霸氣狠辣的「生哥」形成強烈反差,不少觀眾看完都紛紛指被陳豪的「老闆氣場」嚇到震一震,大讚他演技有質感且台詞功力深厚:「連皺紋都咁有戲」、「大佬就係大佬」、「生哥發起脾氣好恐怖」、「陳豪嘅演技真係好有質感」、「生活中好溫和嘅人,一入戲變咗另外一個人」。
