/public/tvbcom/article/images/202604/0cbc50fc-f38c-485c-9178-09bdc4a211b4.jpg)
《正義女神》今晚（1日）迎來大結局，劉倬昕飾演的「惡魔少年」高成彬終於繩之以法。
延伸閱讀：
高成彬初時在法庭上以為勝券在握，神情平靜到難以捉摸，一直演繹無辜形象。直至言惠知（佘詩曼飾）上庭作證，曝光案發當日死者的第一視角錄影片後，他才開始驚恐慌亂。
劉倬昕先是面部抽搐扭曲，又死死盯住言惠知，恨之入骨的殺意穿透螢幕。當檢控官邱光正（譚耀文飾）一字一句、鏗鏘有力地指證他殺人時，一向以冷靜、高智商著稱的高成彬終於忍不住咬牙切齒地瘋狂拍枱，並咆哮大叫：「條片係假㗎！唔係我嚟㗎！」
眼見母親高淑樺（陳煒飾）毫無反應，高成彬更是火滾，憤然企身拍欄杆指住媽媽大喊：「你提反對，你提反對呀！」跟著邱光正乘勝追擊，繼續將Lydia（倪嘉雯飾）失蹤之謎、天台殺人案之謎一一解畫，令高成彬終於徹底崩潰：「造假，你哋夾埋一齊造假，媽咪，佢哋屈我㗎！你提反對，你快啲提反對呀⋯⋯唔係我做㗎！你反對呀，你唔反對做咩呀？擰過嚟呀！我係你嗰仔嚟㗎！我係你嗰仔嚟㗎！」 這一幕，劉倬昕相當入戲，更激動到爆青筋，配合陳煒紅著眼眶不敢擰過身直視兒子的樣子，畫面相當揪心。
高淑樺探望在監獄的兒子，高成彬起初還面帶笑容望着媽媽，深信對方會一如往常地救自己：「所以，今次都會無罪釋放，you are the best⋯⋯媽咪，你唔會畀我有事，係唔係？」
不過，當得知高淑樺經已看過他殺人的證據後，高成彬隨即變臉，攥緊拳頭一臉兇狠的樣子表示：「佢喺網上面diss你，佢同Lydia都唔尊重你，抵死呀！」 他更奸笑交代用鏡頭記錄死亡瞬間的原因：「我要將佢哋生命入面，最後一刻嘅反省，永遠留低。」 冷血程度令人心寒。
最後言惠知到監獄探訪高成彬時，問他為何高淑樺不在探訪名單內，他一臉死不悔改說：「我想話畀你知，唔係你贏咗我，贏我嗰個，始終都係我媽咪，不過，佢嘅獎品就係，呢世都唔會再見到我。」
不少網民看過結局後，紛紛湧入社交平台大讚劉倬昕演技躍進，指他不但在法庭上的爆發力令人眼前一亮，而且對着陳煒和佘詩曼也展現出不同情緒，絕對是一個有潛質的演員，紛紛留言「高成彬今次真係睇到我起雞皮」、「連青筋都有戲」、「呢個新人好有前途，阿佘同煒哥啲戲全部接得住」。同時，亦有網民感嘆這場母子悲劇的結局令人唏噓：「其實高淑樺最後探唔到佢，先係對高成彬最大嘅懲罰」。
