/public/tvbcom/article/images/202604/82c11df9-1478-40e7-a0f3-fcf457503abe.jpg)
《正義女神》進入結局周，劇情緊湊，當中佘詩曼與陳煒的交鋒戲，絕對是一場較一場精彩。
今集繼續審理LiveHouse 謀殺案，言惠知（佘詩曼飾）在庭上證明警方有人破壞證物鏈的完整性，因此在案發現場的證據不再可信，「若果法庭接納，警方喺案發現場搜獲嘅證據嚟做判決嘅話，呢個判決絕對不妥當。」令天雪（樂珈嘉飾）出獄在望。
延伸閱讀：正義女神｜陳煒咄咄逼人對撼佘詩曼 凌厲眼神壓場感爆燈
正義女神｜李成昌審理案件立場偏頗是否違法？附投訴法官完整流程
:quality(80)/public/tvbcom/article/images/202604/94972be8-2a90-4ea2-8c06-d6df3a976718.png)
不過淑樺（陳煒飾）卻使計阻礙，案件需要重審，令惠知十分生氣，在庭上以凌厲眼神怒視對方。
其中惠知與淑樺會面再次交鋒，淑樺表示「我同DOJ傾咗只要辯方肯認罪，我哋可以改控誤殺。」惠知堅定地表示「辯方唔會接受認罪協商」。
淑樺再說：「呢單案件我係外聘檢控官，我只係做番我應該做嘅嘢。認罪可以減三分之一刑期，Tracy未夠16歲，唔會判得好重，再扣埋佢已經被拘留嘅日子，根本唔使坐好耐。」
惠知即激動表示「佢根本冇殺人」淑樺則反駁「呢度唔係法庭，我唔係要同你拗。」
二人再同時疊聲互相爭論，「我唔會要我個女承認佢冇做過嘅事」、「我依家幫緊你個女呀」！繼而互相怒啤對方，隔着個Mon也能感受到二人各不相讓的強烈氣場。
+9
不少觀眾直指阿佘與陳煒的交鋒戲精彩，佘詩曼接受tvb.com獨家訪問大讚對方是一位很好的對手，大家首合作火花十足，「因為煒哥都有壓場感，大家真係會有種勢均力敵嘅感覺。」
問到她有否與陳煒研究場口，阿佘則說：「大家冇話研究點演，因為我哋都係好資深嘅演員，同埋好清楚自己個角色係點樣。加上我拍呢套戲時，我唔係好鍾意講嘢，除非係啲年青演員 ，我覺得佢哋需要幫助嘅時候 ，就會伸出援手 ，但煒哥就唔需要啦。」
