:quality(80)/public/tvbcom/article/images/202512/be20aba8-dda7-4f15-acd6-4d2caad6de4c.jpg)
《新聞女王2》正在熱播當中，昨晚（4日）一集，飛爺（鄧智堅飾）面對勢成水火的Man姐（佘詩曼飾）和Madam Yuen（夏文汐飾），當二人爭論「霓虹燈」和「LED燈」，飛爺轉移視線談「米芝蓮」和「兩餸飯」。雖然飛爺先後被Man姐和Madam Yuen揶揄，但飛爺落足心機打圓場，被網民稱讚是「氣氛擔當」。
亦有網民指自飛爺退下SNK總監之位後，不知不覺間增添了幾分可愛和滑稽。而今季飛爺亦自創了許多爛Gag，確實能反映其風趣一面，就連網民都表示非常欣賞：「飛爺係爛Gag之王」、「飛爺今季每次出場都好搞笑」。
延伸閱讀：新聞女王2線上看｜劇透懶人包！全25集劇情（持續更新）佘詩曼/黃宗澤/馬國明/高海寧再掀新聞風暴
新聞女王2｜夏文汐佘詩曼鬥戲火花四濺 唇槍舌劍霸氣Level up！親解封阿佘做「機械Man」原因
例如在第14集，飛爺向在政府新聞處工作的Cathy（高海寧飾）尋求令公開平台加入成為駐政總傳媒，當時飛爺便分享其獨家「紫色香蕉」理論：「你有冇聽過紫色香蕉理論？（Cathy：『冇喎』）梗係冇啦，我發明架嘛！」、「你畀一梳普通嘅香蕉嗰啲馬騮揀，佢哋就嫌三嫌四，呢隻唔夠香，嗰隻唔夠大。但係如果喺當中放一條紫色嘅香蕉，佢哋就會將注意力放晒喺呢條紫色嘅香蕉度，只要揼咗條紫色嘅怪蕉，對於其他嘅選擇佢哋就會冇意見」，用幽默方式點醒Cathy。
+3
至於昨晚一集，飛爺再度以爛Gag打破肅靜的場面。飛爺：「一份報紙入面，邊一Part係最真？你哋一定會答係日期，其實除咗日期之外，最真嗰個係廣告，因為廣告牌子個名一定係真架嘛，哈哈...」伴隨飛爺一個人的笑聲，加上Man姐反白眼神情，以及Madam Yuen沒好氣反應，飛爺成功「以尷尬打破尷尬」，緩和Man姐和Madam Yuen僵持氣氛，應記一功！
