/public/tvbcom/article/images/202609/bba0064d-a32d-43b2-a6a8-125dc5408a95.jpg)
昨晚（2日）《愛·回家之三代同糖》播出的最新一集中，何依婷飾演的「拜金女」朱圓圓再度成為焦點。何依婷在劇中大展「港女」本色，將精明醒目、有公主病以及對愛情極有主見的拜金女形象演得活靈活現，更拋出不少金句，獲網民激讚有共鳴。
延伸閱讀：愛回家之三代同糖｜何依婷短裙Look現身首播晚宴搶Fo 遇小粉絲溫柔踎低合照冧爆網民
劇情講到，朱圓圓因家中爆水喉，迫於無奈緊急前往唐家「避難」。唐萬里（吳若希飾）見狀好奇問她為何不直接入住酒店，朱圓圓即坦言自己剛買了名貴手袋，搞到無錢住酒店。唐萬里苦口婆心提議她有錢時應該做正經投資，而非豪買手袋，豈料朱圓圓隨即爆出拜金金句：「投資喺我自己身上，靚樣、靚衫、靚袋、靚鞋，咪最好嘅投資？」將「愛美至上」的港女價值觀發揮得淋漓盡致，令對方無言以對。
其後在唐芯（李茵彤飾）的提議下，朱圓圓暫時入住由唐嘉聰（李偉健飾）負責營運的開心小棧。入住後，朱圓圓的「公主病」徹底爆發，將唐嘉聰當作免費管家般極力指使，提出各種苛刻要求：「你哋冇room service㗎？」「幫我準備毛巾啦！」「一次性毛巾點用呀？」「你啲服務態度真係麻麻地喎，我依家即刻話俾芯芯知。」「你幫我準備幾種唔同硬度嘅枕頭俾我試嚇，噚晚嗰枕頭搞到我條頸好痛。」「我依家肚餓，想食早餐。」「我買咗兩箱消脂茶，聽日幫我攞上嚟。」
除了日常服務要求多，當大廈升降機故障時，她又心安理得地叫唐嘉聰落樓提貨：「舅父，我頭先叫咗宵夜，但嗰lift壞咗呀，你落去幫我攞呀！你諗吓，我一個女仔萬一有咩事⋯⋯」更荒謬的是，她為了晾衫竟霸佔男廁不讓其他人使用，理直氣壯表示：「樓上有冷氣機，滴水滴到我啲衫度，係咪你賠先？」
面對朱圓圓的各種無理要挾，不堪重負的唐嘉聰忍不住向家人訴苦。誰知過程不幸被朱圓圓當場聽到，她秒速變臉切換成可憐mode：「你做咩咁話我？有咩唔滿意，我最多去改，你唔使喺背後咁學是學非嘅。」令唐嘉聰頓時啞口無言。
故事後續發展更加搞笑，朱圓圓帶唐嘉聰前往選購家具時，意外撞見曾熱烈追求過她的富二代及其新女伴。為了不失尊嚴及面子，朱圓圓硬逼唐嘉聰假扮其現任男友擋駕。
朱圓圓坦言對方只是每月領取家族基金的富二代，甚至還要求自己婚後生足「六個仔」：「你哋男人揀女人都想揀一個又靚又聽話又肯幫你生仔嘅，我哋女人揀男人就想揀一個有修養有上進心靠自己努力嘅。」展現出極為清醒與務實的一面，讓不少觀眾產生共鳴。
