/public/tvbcom/article/images/202507/c5a5f2aa-0f23-4b2b-b240-04452c3de548.jpg)
《執法者們》昨晚（17日）播出的劇情講到周俊傑(黃宗澤飾)及丁小非(丁子朗飾)在海上堡壘逃亡 ，救出何天茹(蔡潔飾)，期間遭戴祖福等人攔截兼惹起混亂，最終何天茹慘遭戴祖福射死。
其實這幾集在海上堡壘的場口也十分精彩，皆因今次拍攝可謂不惜功本，花費超過六百萬元，選擇了在山東一個真正鑽油台上實景拍攝一星期，劇中一眾演員黃宗澤、蔡潔與丁子朗等亦指很幸運能有次機會參與。
:quality(80)/public/tvbcom/article/images/202507/5cbec2cc-b726-49b0-a436-0972e7c55d61.jpg)
劇中丁子朗有不少動作場口，在鑽油台上又與囚犯打架，他接受tvb.com訪問自爆在鑽油台拍攝最難忘一場口，「今次可以喺鑽油台拍戲真係畢生難忘，相信冇邊個演員可以喺鑽油台打架，我記得其中一場我被囚犯丟下海，要喺海中心吊威也，真係第一次咁吊，所以都有啲驚。」
不過丁子朗直言不介意密密拍動作戲，「市場需要多咗動作片，我唔介意拍多啲，因為我哋新一代都唔怕捱。」
+4
談到他與黃宗澤（Bosco）有不少對手戲，丁子朗感激對方幫助令其演技提升：「Bosco係我由細到大嘅偶像，有啲觀眾話我之做戲好僵硬 ，依家做戲自然咗 ，今次真係歸功畀Bosco，因為佢不斷帶住我，又會調整我嘅演技，所以好感恩能夠同佢一齊拍。」
其實早前黃宗澤接受傳媒訪問大讚丁子朗可塑性高兼反應快，「因為佢國內都同我拍過兩部戲，我嗰陣時第一次合作，我睇下呢個𡃁仔點搞先，佢又真係冇怯場，同埋佢真係都幾叻，全普通話對白演戲。」
