《死有對証》許俊豪帶傷上陣！十字韌帶斷裂仍孭陳曉華 讚女方輕巧笑言「隻腳即刻OK」

許俊豪透露，自己一直十分期待能拍到一套純粹講述愛情的劇集，非常感謝監製與導演的信任。但他驚爆在拍攝該場戲份時，其實自己的十字韌帶已經斷裂，當時甚至已經預約好所有手術時間。當獲悉劇本要求他孭着女主角時，他坦言曾擔心會否再次受傷整親，不過他隨即開玩笑表示：「一聽到同陳曉華拍，隻腳就話即刻 OK😆（因為佢真係勁輕，食多啲嘢啦）」，更慶幸笑言「冇碌落樓梯😂」。

短片中還原了當晚的拍攝現場，許俊豪一接獲Action指令後，隨即爽快地將陳曉華孭在背上，許俊豪邊行邊驚嘆直呼：「嘩，咁輕嘅！」讓陳曉華笑得相當燦爛。

貼文隨即吸引大批網民及劇迷留言讚好，女主角陳曉華亦親自現身回應：「辛苦你啦🥺🥺 嗰日我都拍得好緊張！ 😢😢」，還原了拍攝當下既緊張又充滿默契的一幕。