《愛‧回家》劇組驚喜空降深圳 熊家龍家同觀眾大玩遊戲提早拜年

《愛‧回家之開心速遞》劇組日前喺助理總經理（戲劇製作）曾勵珍及監製梁耀堅率領下一齊去到深圳宣傳，同內地廣大市民預祝農曆新年同埋答謝粉絲對劇集一直嘅支持。
出席嘅一眾演員就同大家分享迎接新一年嘅喜悅，即場獻唱賀年歌曲，又同過百位現場觀眾提早拜年，更分組同觀眾大玩遊戲，派送劇組精心準備嘅限量新年禮物畀現場觀眾，場面好熱鬧。而 呂慧儀 長腳蟹 仲即場大爆將會有古裝版嘅「速龍CP」誕生，現場嘅觀眾都話超期待！