黎耀祥喜劇細胞爆發 化身最強Sales力sell「驅邪聖水」：買番一支守門口

文彬憶述當時情況，懷疑是撞邪，畢萍卻不願多說，此直播引起網民關注，令不少人到一臣（黎耀祥飾）的辦公室。

一臣當然把握機會做生意，推銷經過他加持的特級驅邪靈香，並說：「驅邪、擋煞、保平安」、「呢支香採用嘅特級老山檀香味道清香，得閒喺屋企點一支，調節氣場 ，用佢嚟拜神，神仙聞到都笑呵呵」。

其後，一臣與文彬開直播講述義莊出事的經過，期間畢萍不覺意用真帳號留言，一臣即「打蛇隨棍上」在直播中力推其「驅邪聖水」，「想見唔到鬼好容易，飲咗我呢支施過法嘅驅邪聖水，就可驅走你身上嘅邪氣」。

畢萍即反擊：「呢支普通礦泉水加個貼紙，你唔好喺度呃人啦」，一臣再說：「鹽，自古就有驅邪嘅作用，鹽係礦物質嘅一種，呢支驅邪聖水加上我嘅法力就可將佢嘅驅邪作用加倍，大家買番一支守門口。」

不少觀眾大讚黎耀祥化身最強Sales，相當盞鬼，又十分欣賞其喜劇細胞，每次與龔嘉欣鬥嘴，也令人笑爆嘴。