/public/tvbcom/article/images/202508/c6f329bc-5249-4179-8f1c-cc51bed93a6a.jpg)
《麻雀樂團》在前晚（6日）一集 ，憑人氣戀綜節目《女神配對計劃》人氣急升的關嘉敏正式登場，飾演機心感滿滿的「挑機綠茶婊」。
事緣程晴(胡敏芝飾)與前度阿輝(鄔嘉駿飾)分手後，對方與阿玲(關嘉敏飾)拍拖(但阿玲是否第三者則仍未肯定)。
某日，三人在程晴的漢堡包店相遇，性格驚青的程晴即時顯得手足無措，阿玲見狀竟食住上、出盡全力「夭潤」程晴兼搲著數，挑機港女格相當乞人憎:「搞錯自己Ex都唔認得」、「我都話啦最緊要屋企有錢」、「我哋過嚟有冇折架，話晒佢係你個 Ex」、「唔係呀嘛，你同阿輝散咗咁耐都仲未有拖拍呀?」由於關嘉敏演得入型入格之餘，眼神亦夠晒 Sharp，令不少網民看畢咬牙切齒，直呼關嘉敏「賤人」!
延伸閱讀：麻雀樂團｜何啟南 「從良」唔再做奸角 韋家雄為演活「過氣江湖大佬」咁樣做
麻雀樂團｜莊易羚為角色苦練鋼琴 親揭每日練X小時彈到手指抽筋：兩星期練好2首演奏級歌曲
:quality(80)/public/tvbcom/article/images/202508/3be375c4-0002-43fc-bc14-1887d3059f79.jpg)
其實關嘉敏以往亦有不少出色「渣女」角色，當中以《美麗戰場》中的「進擊的小三」圓圓最令人留下深刻印象！
不過其實現實中的關嘉敏與角色相反，在最近熱播的《女神配對計劃》中，關嘉敏率真、體貼及傻氣的性格，更獲網民封為「真女神」。談到是次演「綠茶婊」，關嘉敏接受官方訪問時坦言與自己真實性格相反，故相對以往演繹的「八婆」角色難度再升呢，「呢個角色內斂啲， 要將八婆性格收埋少少，但同時又要表達到佢好想寸胡敏芝，所以好難拿捏。」
為了投入角色，關嘉敏更因而勾起了初戀遇到「挑機小三」的經歷:「我心入面係諗住我嘅初戀去做，因為我初戀嘅第三者就係一個咁樣表裡不一嘅人，所以我好彩有呢個經歷，我真係諗住嗰個人去做！」
問到為何會知道會有這樣一個小三，關嘉敏續指:「嗰時個男仔聖誕節呃我出去踢波，其實就同呢個第三者出去食聖誕大餐。原本我諗住等佢踢完波，去睇場戲或者出吓街，但最後尾冇出到。原來我嘅初戀男友送咗份聖誕禮物畀個第三者，個第三者返到屋企影完相仲喺 facebooktag我，跟住又即刻delete張相。呢個女仔成日滲啲滲啲話畀我知佢嘅存在。如果佢唔係咁樣做，我唔知...中間發生咗咁多嘢...係囉，所以好深刻。」
監製Marco受訪時則大讚關嘉敏「生得夠高大」、十分符合角色，因為這樣單靠畫面已能呈現出她氣勢全 面壓倒胡敏芝。Marco還大讚關嘉敏專業:「Carman就算冇對白嘅角色， 都會好認真做，好似之前《破毒強人》，佢雖然只係飾演一個冇對白嘅殺手，但佢為咗演好個角色都有參與動作訓練，係好有鬥心嘅好演員。」
