香港探秘地圖｜關曜儁原來冇死！黎耀祥拆穿師弟西洋鏡 袁文傑墳場自摑認衰變癲佬 網民睇得入戲：抵死！

劇情講到，金夫人（楊玉梅飾）因誤信龍貴設計的「亡魂現身」騙局，一度指責探秘小隊及一眾媒體害了兒子。此時，神隱多時的莊一臣霸氣現身，中氣十足地向龍貴喊話：「龍貴！以為我唔喺度，冇人識穿你嘅板斧？」隨後他更當眾揭開布局：「我唔匿埋，點引得你出招？龍大師話佢今日成功招魂，我莊一臣今日就唔招魂，我招人！」同時示意身後戴帽的神秘男子脫下偽裝，正是大難不死的金年。

金年隨即在眾人面前揭開龍貴的殺人惡行，透露自己當日因撞破對方偷情，在山崖邊遭龍貴用石頭襲擊並推落海。幸好整個過程被莊一臣目擊並及時將他救起，但二人因缺乏直接證據指控龍貴，才決定隱忍設局，誘騙龍貴自投羅網。

落荒而逃的龍貴隨後棄保潛逃，並在墳場走投無路地向莊一臣下跪叩頭、甚至自摑哀求協助「著草」，苦求同門師兄弟給予重新發展的機會。惟莊一臣義正詞嚴地反問：「我俾機會你，邊個俾機會被你害過嘅人？被你害到命都冇埋，佢哋可唔可以重新嚟過？」

龍貴眼見苦肉計無效隨即撕開偽裝，更拿出水果刀挾持莊一臣，豈料在混亂中不慎跣腳，頭部猛烈撞向受害者的墓碑。他受傷後當場精神錯亂，驚慌高呼見到受害者鬼魂並瘋癲逃跑，為其不義之舉迎來因果報應。網民紛紛表示對於龍貴惡有惡報的下場大呼痛快，亦激讚黎耀祥出場「唔招魂，招人！」一幕霸氣又震撼。