香港探秘地圖｜夜探墳場拍攝！倪嘉雯帶平安符保平安 孔德賢踢到骨灰罈狂講「唔好意思」

該場戲在墳場以及在晚上時份拍攝，氣氛陰森詭秘！倪嘉雯接受tvb.com獨家訪問時透露，媽媽事前為了她求平安符，她說：「收到劇本時都有啲怯，媽咪知道我會去好多地方拍攝，好似廢校、墳場咁，仲要係夜晚拍，佢都幫我求平安符擺身，袋住個符我個心都平靜啲。」倪嘉雯笑言正式拍攝時怯意全無，她說：「都係自己嚇自己多，因為現在好多人同埋打晒燈，現場好多男性，陽氣好重，所以一啲都唔驚。」

至於孔德賢，劇情講到他去到墳場，還會踢到骨灰罈，他受訪時說：「第一次去墳場拍嘢，現場好黑同好靜，乜都睇唔到，所以都驚驚地，拍攝前拜神都做到足，我拍攝時都不斷講唔好意思、唔好意思。」