香港探秘地圖｜倪嘉雯沉船樣戀愛腦反應超盞鬼親爆戲外對感情佛系：唔會強求

點讚

撰文：柔娛絲

發佈日期：2026-05-20 13:30

熱播中的《香港探秘地圖》今晚（20日）一集講述大學校園發生詭異事件，滿身傷痕的醫科生韓國豪（阮政峰飾）在醫學大樓向清潔工求救，稱被一名身穿民初服裝的神秘女子襲擊。

清潔工將此事向《探秘地圖》報料，畢萍（龔嘉欣飾）、文彬（丁子朗飾）、王秀儀（倪嘉雯飾）嘗試查明真相，發現大學十五年前亦曾發生類似事件。

秀儀到大學攞料而認識國豪，隨即對對方心心眼，將國豪遇襲的經過告知畢萍和文彬時，一副「嗒晒糖」的樣子表示，「但國豪好勇敢，佢唔單只冇畀隻女鬼嚇暈，隻女鬼係咁攻擊佢嘅時候，佢仲留意到佢係着小鳳仙裝」、「你話國豪係咪真係好叻呀？」足見秒速對國豪「沉晒船」。

其後，秀儀與國豪共進晚餐，對方給她生菜包燒肉和韓國米酒，秀儀已覺人間美食，不停說：「好好食呀！」、「好好飲呀」果然情人眼裏出西施。

不少網民對於「戀愛腦」倪嘉雯的演出覺得非常盞鬼，特別其見到國豪「沉晒船」的樣子認真可愛，不愧為劇中的「搞笑擔當」。

談到王秀儀這個角色，倪嘉雯接受tvb.com獨家訪問直言與對方一樣情緒大起大落，有時自己的反應也十分搞笑，唯獨「戀愛腦」這點絕不相同，「秀儀成日好想快啲有拖拍，所以會戴好多飾物同擺晒啲陣，但我喺呢方面就好佛系，覺得緣份要嚟就嚟，唔會強求。」

她自言是被動的人，「我唔似秀儀見到佢心儀嘅人就好快心心眼，好主動。」

至於今次乃入行以來首個擔重的角色，倪嘉雯直認初時十分緊張，全因有很多的「第一次」，「但我哋成個拍攝氣氛好融洽同輕鬆，同埋特別係祥哥，佢戲裏戲外都好幽默，所以大家拍得好開心，亦令我放膽放大秀儀嘅搞笑一面。」

主頁