:quality(80)/public/tvbcom/article/images/202606/75d28b30-bf6a-49ee-9eb9-9df7033c416d.jpg)
《香港探秘地圖》今晚（10日）一集講到文彬（丁子朗飾）父母的龕位遭墳場老鼠破壞，父親的陪葬品名錶被竊。
他在墳場見到其他人的龕位雖被破壞，但有家人陪件，文彬感到孤單，豈料探秘小隊一臣（黎耀祥飾）、畢萍（龔嘉欣飾）和秀儀（倪嘉雯飾）突然出現，一臣即安慰文彬，「萬大事有師傅，師傅有相熟嘅石廠好快就做番塊石碑，跟住幫你擇日做法事搞上位，全部交畀師傅，你唔使擔心」，畢萍亦表示「公司嗰啲嘢你唔好理，我會搞掂」，秀儀則說：「我煮啲嘢食畀你，等你定下驚」。
面對眾人的關懷，文彬相當感動，眼濕濕表示「多謝你哋，等我仲以為自己孤零零一個」畫面有愛。
延伸閱讀：香港探秘地圖｜倪嘉雯失控怒打黎耀祥火力全開 認拍攝壓力大感激祥哥幫忙：大家都好辛苦
香港探秘地圖｜袁文傑罕演反派夠驚喜 外表正氣內裏超衰格 網民勁入戲：潮生黑化了！
其後，一臣與文彬的場口亦十分溫馨，文彬對一臣說：「師傅，我覺得你好似我阿爸，細個嘅時候有咩解決唔到，阿爸都會幫我解決」、「師傅你係我良師，呢段時間，我喺你身上學咗好多嘢」。
一臣則說：「你唔好嫌師傅長氣，要記住呢個世界好人多，但壞人仲多，未來條路仲有好長，將來會遇到更多風浪、更多衰人，不過無論點都好，對人性千祈唔好去信心。」、「世事無常，師傅唔會一直陪住你」。
雖然短短場口，不少網民認為黎耀祥和丁子朗的對話十分溫馨，祥哥就如丁丁父親，細心教導守護他，被二人的「父子情」感動。
今次與祥哥二度合作的丁子朗接受tvb.com獨家訪問，透露與對方相隔十年再合作，令其感受甚深，「我再見番祥哥，真係有種老竇嘅感覺。同埋呢套戲，佢都係亦師亦友， 因為佢覺得對我嘅親生父母有虧欠，所以佢好似老竇咁睇住我照顧我，我哋有冇特登做出嚟，但都有嗰種父子感覺。」
他又指戲裏戲外祥哥十分照顧後輩，也會教導他們怎樣講對白，「佢會同我哋分享講每句對白時係有唔同意思，咁先可以令到個角色更加出，所以每場戲即使得一兩句對白，我哋都會盡量諗多啲，睇吓點樣表達出嚟係最好。」
