香港探秘地圖｜丁子朗腳底按摩被批腎虧 忍痛表情包勁爆笑

龔嘉欣、丁子朗在該場戲大晒喜劇細胞，兩人接受腳底按摩期間，痛到七情上面兼面容扭曲，場面過癮！龔嘉欣被按肝臟穴位影射區時，痛到阿媽唔認得，按摩師批她：「你肯定成日捱夜，小心爆肝！」丁子朗即時加把嘴：「係呀係呀，佢成日唔瞓覺！」

話口未完，丁子朗被按摩師喪按腳踭位置，按摩師：「腳踭對應生殖系統，呢個位痛呢，即係虧囉。」丁子朗痛到有苦說不出，但礙於面子又大敢嗌出聲，一路死頂說：「頂得順，大力啲添啦！」最後終於崩潰大嗌出來，場面爆笑。