香港探秘地圖｜丁子朗怒打黎耀祥反目成仇 親爆拍攝呢場戲挑戰大原因：我都有啲驚同怯

講到文彬質問一臣究竟其父母的死是否與他有關，一臣對他們一反常態，「你哋叫咗咁耐師傅，一啲都冇學精到，仲係咁天真，面對現實啦！」

文彬再問一臣，「點解我阿媽隻錶喺你度？你對佢做咗啲咩嚟？」一臣則說：「因為你阿媽想多謝我幫你阿爸點長明燈，所以送隻錶畀我。點長明燈嘅係龍貴，我只係幫手整符水。」

文彬得悉原來一直很敬重的師傅是致其父母自殺的兇手，感到十分憤怒，「既然你知道我哋嘅背景，點解要請我哋？」

一臣表現無懶地說「因為我想睇吓你係咪好似你阿媽咁易呃」更愈講愈過火，「每個人都有個價，上次龍貴搵我幫手阻止秀儀問米條片，佢畀咗一百萬畀我，如果你肯同我合作嘅話，我至少再可以拎多三五百萬，話晒你單嘢嚴重咁多，你老竇老母死埋」令文彬忍不住向他動手，打到其嘴角流血。最後一臣更宣布解散探秘小隊。不少網民認為一臣這樣做必定有原因，留言「莊師傅咁錫佢哋，點會咁做」、「莊師傅係咪有苦衷呀？」

丁子朗接受tvb.com獨家訪問坦言這場與祥哥反目成仇的場口，對其甚有挑戰，「因為要大罵祥哥呢位前輩，拍之前自己都有啲驚同怯，好驚會冒犯咗佢，但祥哥好好叫我放膽做，所以呢場對我嚟講係比較難，同埋嗰幾日都盡量唔同佢講嘢，令自己更投入個角色情緒。」