:quality(80)/public/tvbcom/article/images/202606/a1442c4b-33ae-4900-8744-701560f08dff.jpg)
《飛常日誌II》今晚（19日）一集波波黃婧靈突變「大肥婆」登場，令人笑爆嘴！講到波波為令自己的行李不會超重，因此將行李裏面的衣服穿上身，目測已有10多件衫，彎腰都有困難。
延伸閱讀：飛常日誌II｜朱敏瀚自信Mode＋超強胸肌 型男指數直逼Captain Cool
飛常日誌II｜李海銅「迷妹」上身見Aska即失控 自爆做呢個動作似機械人笑爆嘴
:quality(80)/public/tvbcom/article/images/202606/626e07e8-36f6-4415-90e5-2ed655d4bb35.png)
豈料波波去到櫃檯登機時行李仍然超重 1KG，她再拿出行李裏面的衣服頸巾，着多幾件上身，突變成「大肥婆」，相當搞笑。
身旁的舒恩（鍾柔美飾）見狀表示「小姐，其實你加少少錢就得，唔使着晒啲衫上身，你咁樣都未必過到關。」不過波波依然堅持，「唔緊要，行李過到我都得㗎！」但最後她因太焗的關係而暈倒，終要搭另一班航班再離開。
雖然波波只亮相短短場口，已引起網民關注，更指其「大肥婆」Look很搞笑，又笑言「今次一定係波波着得最多衫嘅一次」、「見到都辛苦」、「現實都真係有呢啲case」。
波波接受tvb.com獨家訪問坦言最初試造型時穿了 13件衫，後來再加碼，「因為我同監製覺得可以再着多幾件，令視覺效果更澎湃，最終都着了16 件衫，而襪都着咗4對。」
她指因穿得太多衫的關係，準備的時間也較長，「我get ready 嘅時間畀人多至少半個鐘至9個字 ，呢度剩係計着衫嘅時間， 所以係好搞笑嘅拍攝經驗，我覺得好好玩。」
波波自言當時拍攝時乃是撞正暑假炎熱夏天的時候，身邊的工作人員也特別照顧她，「佢哋成日問我熱唔熱？頂唔頂得順，使唔使休息下，同埋，因為我行動不便嘅關係， 服裝姐姐要幫我拎成個行李箱走嚟走去，好多謝佢哋。」
另外，波波亦在網上晒出劇中花絮相，發文寫道：「一衫還有一衫多，多謝監制Andy同埋公司畀機會我！拍攝嘅時候正值上年夏天暑假期間，拍拍吓有好幾次都面青口唇白亦都好多謝大家咁照顧我成日叫我坐吓。同埋同大家拍嘢都好開心氣氛好好，你哋都真係超幽默 ，超鍾意同你哋一齊做嘢，而我都有好好努力希望對得住每一個鏡頭，拍劇超開心，超好玩！」
