飛常日誌 II｜小花加盟全員索人！倪樂琳首拍劇被當「真空姐」 梁凱晴盧映彤空姐look夠煞食

當中2024年港姐冠軍倪樂琳與2021年港姐亞軍的梁凱晴飾演港灣航空地勤人員，二人穿上空姐制服配以黑絲上陣，加上燦爛笑容，亮麗十足。

鍾柔美則演機楊見習行政人員，粉色衫配短裙上陣，貫徹甜美造型，散發青春活力。

《飛常日誌 II》乃是倪樂琳首部參與的劇集，她接受tvb.com獨家訪問坦言當初收到入劇組的通知，感到十分興奮，「嗰時啱啱卸任，都有啲迷惘唔知道要做啲咩嘢，而我一直都好想拍劇，所以當收到可以喺《飛常II》演空姐真係好開心。」

她自言一直也覺得空姐制服很漂亮，並大爆拍攝難忘事便是被人誤會是「真空姐」，「嗰時有好多旅客以為我係空姐，佢哋會走嚟搵我幫佢 check in 又問我登機閘口喺邊，我覺得好搞笑，睇嚟我都幾襯呢件空姐衫。」

另外，倪樂琳也在社交網分享了不少花絮相，隔着Mon也能感受到其首次拍劇的雀耀之情。