/public/tvbcom/article/images/202601/72793ee0-8c2d-4415-807f-dee84ea3242f.jpg)
《非常檢控觀》現正熱播中，劇情講到包希仁（馬德鐘飾）與王頌星（陳煒飾）在慶曆集團拍賣會上看見一班小朋友跳芭蕾舞表演時，回想昔日往事，並揭開二人曾有一段情。
延伸閱讀：非常檢控觀｜吳偉豪登場兩集成焦點 撇甩朱凌凌形象被讚演古惑仔有驚喜
非常檢控觀｜陳曉華多層次喊戲獲讚 眼淚流足2集！虐心演繹「千里尋夫」掙扎
非常檢控觀｜張馳豪斯文眼鏡Look型出新高度！曾攻讀兩個碩士學位才華兼備
:quality(80)/public/tvbcom/article/images/202601/62a268fa-a6e2-4807-baf0-afdb87156f46.png)
當年王頌星在大學時期熱愛跳芭蕾舞，而希仁經常偷偷地在排舞室看她練習，二人曾有一段快樂回憶。劇中演陳煒年輕版是前港姐季軍梁超怡，見她跳得似模似樣，動作優美，不過原來她是特意為此劇學跳芭蕾舞。
梁超怡接受tvb.com獨家訪問指公司在開拍前安排了課堂讓她學習，又自言筋骨很硬，故學跳時甚有難度，「我本身冇學過芭蕾舞，加上我啲筋好硬，所以不停咁拉筋，過程都唔容易，即使上完堂，我都不停練習 ，希望出嚟效果好。」
她又指當時每天花兩小時拉筋練一字馬，「過程係好痛，成個人標晒汗震晒，但我唔怕辛苦，即使劇本冇講話我要做一字馬，但我覺得作為演員都要隨時準備好做到。」
+3
梁超怡更自爆練舞時曾弄傷膝頭，「因為自己唔係專業，有時動作做得唔好，每次落地都撞傷膝頭，到埋位要演嘅時候，又重複落地嘅動作，變相雙腳冇好過，但我覺得唔緊要，最緊要大家對我嘅表現滿意。」
至於今次演陳煒年輕版，她直言事前也有與對方溝通，「我記得煒哥同我講最緊要做自己，因為大學時期佢都係比較Sweet同開朗嘅女仔，去到佢成年已經唔同咗，所以冇話要特別模仿佢啲咩。」
