/public/tvbcom/article/images/202602/aea635ed-87e3-41c8-b884-6169965104fa.jpg)
TVB熱播中的《非常檢控觀》，早前播出的一集吳偉豪與父親吳大強首次同場演戲，劇情講到展熊飛（吳偉豪飾）探望昔日孤兒院院長（吳大強飾），展熊飛幫忙彈結他伴奏，院長則大唱英文歌，令在場小朋友聽得十分開心。
延伸閱讀：非常檢控觀｜吳偉豪吳大強首父子檔做戲 親爆現實中不會傾心事 恨與父親做呢種角色：好多嘢都在心中
劇中有份參演孤兒院小朋友Avery的母親，在社交網分享囝囝與吳偉豪和吳大強的合照，更大爆年紀輕輕的Avery竟是中年好聲音的粉絲，當看見對方時更直呼他的名字，相當搞笑，「2年幾前拍呢套劇有份做孤兒院小朋友，當時吳大強叔叔有份拍唱歌戲，阿仔一見到就走埋去話，吳！大！強！（媽媽有即刻指正提醒小朋友叫返叔叔）」。
她讚吳大強和吳偉豪也非常友善親切，「抱起囝囝傾左陣傾同影相，兩父子真係超Nice🙌❤️🙌最開心係現場聽吳叔叔唱歌」。
