非常檢控觀｜丘梓謙法庭認罪戲痛哭流淚 感激陳煒助戲與對方合作零壓力：我有晒畫面同情緒

在法庭上，包家勉聽到檢控官的指控，感到內疚慚愧，眼睛慢慢通紅表示「即使我有疏忽，我都冇無視他人生命同安全，我的確有機會阻止悲劇發生，但我冇做到」。

他愈講愈激動表示「出咗事後我每一分每一秒都好內疚」最後更痛哭流淚說「裁判官，我唔自辯，我認罪」，令人看得心酸。

很多觀眾也指今集丘梓謙表現出色，對於自己犯錯演繹出內疚、痛苦、羞愧之情，尤其是他在法庭認罪一幕完美展現內心充滿愧疚的一面，更令觀眾入戲，並留言「佢喊到鼻水都流埋，做得好好」、「蔥頭演得好投入」、「呢場Solo戲好好睇」。

談到這場法庭戲，丘梓謙接受tvb.com獨家訪問直言全因拍攝這場戲時，已拍畢落口供及看見黑心工場的惡劣環境場口，因此去到法庭戲已很有感覺，「我已經有晒畫面同情緒，覺得成件事好真實。」

他感激陳煒和導演給了不少意見，令效果更好，「拍攝前佢哋畀咗好多指導我，同埋呢場內心戲都複雜，因為講我本身唔係壞人，但我又真係犯錯打針打死人，所以要演到內心嘅複雜情緒，又要令大家會同情我，的確有難度。」

而且，他直認因陳煒出色的演技，令其更投入角色，「佢講對白嘅節奏，真係好似一個媽媽好戥你心痛，加上佢望住我嘅眼神加埋個環境，令我更加想喊。」