/public/tvbcom/article/images/202602/b4524ce8-9a30-4af8-a32f-01e591edda35.jpg)
今晚（19日）《非常檢控觀》其中一段重點劇情莫過於是張國強（KK）與張馳豪在足球場訴心情的場口，令不少觀眾大讚張國強的演技令人動容！
劇情講到張馳豪（Aska）飾演的趙子幀發現自己並非趙德敬（張國強飾）親生，打算放棄慶曆繼承權，豈料趙德敬爆出更震撼真相，指趙子幀與自己的老婆也沒有血緣關係，而是「胚胎移植」的產物。
延伸閱讀：非常檢控觀大結局｜潘志文再演中風角色引熱議 太好戲獲封「中風之神」：每一次中風都要有特色
趙子幀起初聽後冷笑表示荒謬，完全無法接受事實，張國強亦趁機將心中多年來的苦痛全部爆發出來，他哽咽地說：「當我知道你著床成功，我第一次聽見你嘅心跳聲，我喺超聲波見到你嘅手手腳腳，姑娘抱你出來嗰陣，我聽見你嘅喊聲，佢話畀我知你面黃，要去晒燈，要去😴房，你知道我哋有幾咁擔心？你第一聲叫我做daddy，叫我老婆做mammy，我已經認定你係我嘅仔。你係我寶貝仔，知唔知？」
講這一段獨白的時候，張國強的聲音亦明顯顫抖，眼眶更瞬間變紅，情緒激動到一度說不下去，網民紛紛激讚他將一個守護秘密多年的慈父心態演得極其傳神，情感表達的細膩程度令人起雞皮：「完全係真情實感」、「睇到我都想喊埋一份」、「做父母真係好唔容易㗎」、「呢個爸爸都算唔話得！」
談到這場口令不少觀眾看到眼濕濕，張馳豪接受tvb.com的獨家訪問時指這場戲的張力全靠張國強與導演的帶領，坦言拍攝時感受到前輩極具感染力的反應與表情致感動落淚，「開拍之前佢都有畀好多意見我，話畀我知每一個位可以點樣演得舒服啲，雖然我之前都有設計過點樣演繹，但真係去到拍嗰陣時，我拗開之前設計嘅嘢，進入角色感受嗰一刻，而且睇到KK嘅反應同表情，真係令到我好激動，帶動到我更入戲。」
至於今次與張國強首合作，張馳豪戲裏戲外也當對方做「Daddy」，「我同佢合作好愉快，佢真係畀咗好多意見我，所以拍呢套戲嘅時候，我真係當佢係我Daddy！」
另外值得一提的是，這場戲的開首，是張國強與張馳豪在球場踢波，上演「父子大戰」，而現實中的張國強在年輕時其實曾做過一段時間的職業足球運動員，他曾在社交平台po出當年的舊照，見相中的KK眉粗粗眼大大，頭髮亦相當濃密，十分靚仔，似足混血兒，加上單手插袋的cool爆姿勢，令人不禁冠以年輕時的他「少女殺手」的名號！
