/public/tvbcom/article/images/202602/a41b9ed5-8429-475c-b850-2cb071eb4b55.jpg)
《非常檢控觀》今晚（18日）邁入新單元「暗黑基因」，呂珊飾演的李妃宸（趙德賢前妻）強勢回歸趙家，掀起一場豪門恩怨，其爆發式的演技更成為網民討論焦點。
延伸閱讀：非常檢控觀｜蔣家旻黑化反擊李成昌 分半鐘監獄獨白晒多層次演技 網民嗌正：反骨琪返嚟喇！
首個火藥味十足的場口，是在李妃宸兒子趙子禮（羅永健飾）失蹤、被懷疑遭人綁架後，眾人在趙德賢（潘志文飾）病榻前商議贖金問題。龐柳碧（楊玉梅飾）以維護趙家為由拒絕抵押股份，聲稱：「點可以為咗呢個仔破壞我哋趙家根基？」李妃宸隨即反擊，咬牙切齒地當眾揭開當年被對方奪夫上位的真相：「講破壞，邊及你呀？你當年已經睇住我老公，藉你哥親近佢，我生咗禮禮之後，你就同老爺打毒針，要取代我做趙太。我嘅美好家庭，就係被你一手破壞！」
呂珊在這場對壘中展現出極強的壓制感，將那種恨之入骨的眼神同微表情演繹得淋漓盡致，引來網民紛紛留言：「珊姐演呢種豪門棄婦真係入型入格」、「好識控制面部表情，每一種情緒都可以完全感受到，勁專業！」
+5
而這份悍然在噩耗面前卻化作錐心之痛， 隨著趙子禮被證實遇害，場口轉向冰冷的停屍間。呂珊在認屍時徹底放下形象崩潰大哭，甚至演到連鼻涕都流出來，那份失去至親的絕望令觀眾大感心酸，大讚其專業：「珊姐流晒鼻涕嗰吓真係好心碎」、「呢啲先係真正嘅演技」。
及後她帶著殘餘的理智向包希仁（馬德鐘飾）求助， 揭露愛子竟與自己並無血緣關係，神情在慌亂與憤怒間切換，一句：「係意外，定係有人蓄意破壞？」將矛頭直指趙家眾人。觀眾都睇到入晒神：「我就知冇咁簡單，趙家背後一定有更大陰謀」、「一個人好難做到喎，估計係有幾個人合謀」、「因為呢個智商有問題嘅仔被迫離開趙家，結果自己一個養咗佢廿幾年發現又唔係自己個仔，太離譜」。
+4
