非份之罪｜羅冠蘭化身最強慈母 驚悉女兒受害真相眼神一秒變狠：危家仁你呢個打靶仔

講到曉善（江嘉敏飾）返屋企與母親潔清（羅冠蘭飾）吃飯，潔清為女兒炮製適合她又美味可口的食物。潔清又指得悉女兒與男友分手，愛女心切的她表示「係佢口口聲聲話會照顧你一生一世，我先會畀你同佢同居嘅啫，如果我一早知道佢同你衰鬼老豆一擔擔，一定唔畀你搬出去」。

潔清再勞氣說：「講到尾一日都係嗰個打把仔，係佢搞到你咁樣」早前曉善得知當年導致她雙腳癱瘓要坐輪椅的始作俑者，竟然是家仁Jarvis（吳偉豪飾），她氣餒地說：「我唔想再醫，呢個世界係唔公平，阿媽我同你日日都咁辛苦，值但你嗰個危家仁佢害咁多人，但一日比一日好」將當年真相告知母親。

潔清得知愛女出事的原因由起初的震驚難以置信：「危家仁，我老闆Jarvis？」隨即轉為極度憤怒，將得知真相後的震驚、痛心，到眼神瞬間變得兇狠、咬牙切齒演得精彩，更怒罵「危家仁你呢個打靶仔！」

最後潔清對曉善說：「總之我哋兩母女一條命，我哋兩個都會過得好好，傻女嚟嘅！」並更眼紅紅勸女兒搬回家中一起住，「阿媽仲後生咩，我仲可以做多幾多年啫，我仲可以煮多幾餐飯畀你食，好好咁照顧我個寶貝女，多一日得一日，咁我就心滿意足㗎啦。」場面溫馨感人。