非份之罪｜施焯日首演輕度智障揭陳煒貼心舉動胡敏芝演狂迷與羅冠蘭有衝突葉靖儀感謝賴慰玲暖心照顧

點讚

撰文：柔娛絲

發佈日期：2026-06-27 05:00

《非份之罪》將於下周一（29日）在翡翠台播出，劇中以6大單元故事分別為《無臉女屍》、《石棺禁戀》、《一億殺機》、《危險遊戲》、《骯髒的子彈》及《恐怖情人》帶出人性的貪念，非份之想，而做出不當的行為，展現「現實比戲劇更荒謬」。

除了多位好戲之人吳啟華、陳煒、賴慰玲、羅冠蘭和徐榮等坐鎮外，有不少新晉演員同樣表現亮眼，王心慰（Amy姐）監製更點名力讚施焯日、葉靖儀和胡敏芝演得不俗，絕對是可造之材。

現年26歲的葉靖儀參選《2021年香港小姐競選》而入行，加入TVB後曾主持《咔嚓咔嚓》、《晚間聽聞》、《自然系女子旅行》第三輯及參加《CP訓練營》等節目。

她將會亮相單元二《石棺禁戀》，更與賴慰玲和鄧智堅不乏對手戲。這套劇是其入行不久，最多戲份的一角，葉靖儀接受tvb.com獨家訪問坦言接拍初時感到十分緊張，「好彩Amy姐同我傾角色時，佢解釋得好詳細我個角色背景係點，令到我更了解自己嘅角色。」

而且，她大讚賴慰玲和鄧智堅是很好的前輩，「其實我之前喺《CP訓練營》同賴慰玲有合作過，嗰時佢仲係我嘅演戲導師，已經教咗我好多方法點樣study每一場戲。今次喺《非份》仲好似大姐姐好照顧我又會帶住我去演，當一啲好重要嘅場口，佢仲會同我分析，點樣睇嗰場戲嘅層次。」

她亦指智堅亦不時會與其對戲，又會有不同想法，令整場戲效果更好。

至於現年25歲的施焯日參加2019年TVB訓練班入行，在《星空下的仁醫》、《巨塔之后》演患罕有病病人引關注，而且，他在早前播出的《正義女神》在法庭的內心戲演得相當出色，就連4屆視后佘詩曼也公開點名大讚。

他將在《非份之罪》的單元《一億殺機》登場，並首度挑戰演輕度智障人士，施焯日受訪坦言有難度，「我有輕度智力障礙，但我爸爸徐榮就係重度智力障礙，最難係點樣將個智力程度拿捏得精準，令觀眾睇得出我係有少少問題，但未到好誇張嚴重。」

施焯日又指戲中前輩也十分照顧他，其中陳煒在拍攝前更特意相約其參觀輕度智障學校，「我觀察咗好多，亦將我睇到嘅嘢放入角色入面。」

另外，現年27歲的胡敏芝於2021年參加TVB藝員訓練班入行，她主持過多個節目如土《荷蘭Pop Guide》、《旅行最緊要近》等。

近年她憑《麻雀樂團》演譚俊彥妹妹程晴一角引注目，今次她在《非份》的單元《危險遊戲》中演吳偉豪的狂迷，對方做的所有事也會力撐到底，她直言角色十分有挑戰性，「佢係好戀愛腦，做好多嘢都冇底線。」

劇中她與羅冠蘭老師也有不少對手戲，更大爆與其更有衝突場口，令人期待，「我第一次同羅老師合作，佢個人好親民，係一位好好嘅前輩。未到我嗰陣時，我會睇佢做戲偷師，而我哋開廠時晚晚都會一齊食飯，我亦都不時問佢做戲意見，佢亦好好咁一齊同我分析睇吓點樣可以做得更好。」

主頁