非份之罪｜戴祖儀自揭與游嘉欣似足親姊妹 解密「Emma」覺醒心路歷程

由於劇中戴祖儀和「妹妹」游嘉欣同樣沒有身份證，有網民隨即搞笑問到：「這次同游游合作有咩感受？如果現實中真係過住冇身份證最想做啲咩？」對此，戴祖儀幽默地神回覆：「覺得同佢真係似兩姊妹。現實生活中，我想做嘅事都需要身份證。」

除了搞笑互動，亦有網民開啟「認真 Mode」深究劇情，問到：「有啲好奇 Emma 喺邊個時段“覺醒”咗，因為從細到大喺屋企保護嘅咁好，離家出走嗰陣會唔會驚（Elsa 攔你嗌你唔好走嗰陣你有乜心理活動）」。

面對認真的提問，戴祖儀同樣十分認真地剖析角色：「由細到大 Emma 都係比較有自己嘅諗法，可能因為係家姐，亦都可能因為『反叛』，更願意為自己爭取自己覺得正確嘅選擇。所以與其話覺醒，不如話係終於勇敢為自己踏出『家』依個囚籠。」她形容 Emma 是一個非常勇敢的女仔：「但佢係一個好勇敢好有諗法嘅女仔，為佢覺得正確嘅選擇而只顧一切。如果成功，佢會係自己嘅英雄；如果失敗，我諗佢都唔會為自己嘅選擇而後悔。至少佢有努力爭取過。」這番掏心扉的分析，亦引來不少網民留言讚賞，笑言她本人的性格與角色其實十分相似！