金式森林｜陳曉華郭晉安忘年戀遭落「禁咀令」 自爆真的愛上安仔？！

為了令這段忘年戀更有說服力之餘亦更具懸念，監製林志華開劇前專誠下令郭晉安與陳曉華在劇中不能有任何親密接觸、並嚴禁二人有接吻場面，故即使拍攝結婚場口，二人都只是蜻蜓點水式錫面珠。林志華續指Hera拍攝《金式森林》時，一度真的愛上安仔，Hera接受官方訪問時亦笑言「一定好愛」，並謂：「林澄係真係愛上方仰天㗎」，並感激安仔給予不少抽象式的指導，幫助她投入林澄的世界之餘、亦幫助她學會如何抽離角色：「安哥教我要將皮肉同靈魂分得開啲，佢教我用我嘅靈魂去創造林澄，而呢個靈魂係真心愛上仰天嘅。今次係我同安哥第一次合作，所以我對佢嘅認知就係方仰天。」

談到與安仔在劇中的忘年戀，Hera坦言刻骨銘心，並謂有時看到網絡上的劇集宣傳或精華，都會忍不住喊到「飛哩啡呢」：「有好多位係好心痛嘅，嗰種心痛嚟得好快，因為方仰天同林澄嘅故事已經刻喺我腦入面。嗰個故事深刻到好似屬於自己咁、變咗一個真實存在嘅回憶。」