金式森林｜羅蘭郭晉安對戲火花四濺 影后級演技冇得輸獲讚眉頭都有戲

今晚羅蘭與郭晉安有兩場母子對戲，引起網民關注！其中一場，方陸超群對仰天表示「你仲未過我呢關喎」、「係咪阿媽幾唔鍾意你都要娶呢個女人呢？」仰天則說：「你唔好成日呢個女人咁啦，佢都就嚟過門做你生抱，你可唔可以放低成見接受佢呢？」

方陸超群再說：「結婚唔單只係你兩個人嘅事，係關乎我哋方家80年嘅基業，就算我謹慎啲都無可厚非，我要你同林澄簽一份婚前協議書，第日到你哋有咗仔女，佢啲仔女係無我哋家族繼承權，仲有你百年歸老之後，一蚊都唔可以分畀林澄。」

仰天即表示「我唔會咁做，你要阿澄簽呢份協議書，根本對佢唔公平」方陸超群再說：「如果佢唔簽，到我死嗰日，佢唔使指意入門」總之就「企硬」。

這短短近兩分鐘場口，羅蘭姐完全大騷影后功力，一邊擔心兒子再結婚，另一邊又想兒子開心，展現出兩難的心情，當她要求郭晉安要陳曉華簽下婚前協議書時，盡顯威嚴，「唔公平都要簽」字字鏗鏘，一班網民大讚羅蘭姐演技冇得輸，簡直「眉頭都有戲」，「完全展現出其霸氣」。

有網民亦讚郭晉安演技一流，與羅蘭姐對戲很有感覺，真的很像兩母子。

其實郭晉安與羅蘭姐並非首次演母子，在2014年的《老表，你好hea！》同樣是母子關係，二人的演繹亦大受好評，如今相隔11年再度演母子，的確是十分難得的緣份。