金式森林｜何依婷掌摑爆喊戲獲讚演技大躍進 親揭獲視后教戲有啟發：佢畀咗好多演技意見

善荃即緊張表示「唔係咁架件事，你聽我解釋先。」學禮再激動大鬧對方「你唔係唔知我幾恨做老竇，係你搞到我冇得做爸爸」、「你已經搞到我BB冇咗，你依家仲諗住搞到我一係就身敗名裂，一係就成副身家冇晒」、「我成世人做得最錯嘅嘢就係娶咗你個賤人返嚟」。

善荃邊聽邊流淚說：「我唔係想咁，對唔住」，她由最初的內疚不安到知道高深（羅子溢飾）拿着其秘密威脅學禮時表現的不知所措，更痛哭得鼻涕直流，不少觀眾指何依婷的喊戲大有進步。

談到這場鬧交戲，何依婷接受tvb.com訪問指這場口與何廣沛沒有溝通太多，「因為拍呢啲情緒戲都會留啲空間畀對手投入情緒，所以我哋唔會夾太多 ，我記得呢個場口我哋都好快拍完，成個過程好順利。」

在劇中見她每次見到私生女Jasmine，一副母愛泛濫的樣子，問到當時是否已知自己懷孕，對此何依婷說：「同小朋友拍嘅大部分場口我都未知自己懷孕，只不過係之前做過兩年兒童節目，所以我都識得同呢個年紀嘅小朋友相處。」