金式森林大結局｜陳曉華記者會惡鬥方氏兄弟 7秒疊聲對質戲盡現戲劇張力！驚人反轉網民直呼過癮

當方學禮與方學勤在眾人面前指出林澄「講大話」、「呃身家」，林澄即以一襲紅裙，珠光寶氣地現身記者會，瞬間成為全場記者的焦點，她明顯是有備而來：「方學禮，我問緊你，你哋憑咩講我手上呢份遺囑係假？」，單憑一句說話，已經震攝全場，顯現出方家女主人的威懾力。而面對方學禮與方學勤的持續指控，林澄亦沒有放在心上，她不屑地環顧四周，不與兄弟二人進行眼神接觸，網民紛紛激讚陳曉華演得真實：「林澄好似心裡默默講緊：『又要聽你哋講呢啲廢話』，好好笑」。

劇情同時來到最緊張刺激的地方，事關前一晚方學勤已經用六千萬港幣「收買」了林澄的哥哥林耀（唐嘉麟飾）。當方氏兄弟叫最關鍵的「證人」現身指證林澄、「大義滅親」時，兄妹二人一個「心虛」、一個「緊張」的表情讓觀眾信以為真：「嘩⋯⋯真係要出賣個妹？」、「林澄好明顯自己都有少少唔肯定喎」。不過最終的結果出人意料，林耀一個突然轉變的邪笑解釋了一切：「呢兩兄弟，都幾陰毒，用六千萬收買我屈我妹？收皮啦！你哋咁嘅錢我點會稀罕？同你哋兩個做親戚，仲衰過坐監呀！」原來林耀堅持站在妹妹林澄一邊，兩兄妹一早有晒全盤計劃！而林澄也開始她精心設計的這場好戲，不止拎出方學勤收買林耀的錄音，還大爆兄弟二人所有見不得光的秘密，令網民直呼過癮。

最有睇頭的一幕，是陳浚霆與陳曉華的疊聲對質戲，二人互相「咬死」對方不放，戲勢相當強勁。方學勤率先走到林澄面前鬧爆對方：「你個女人幾好嘢，阿哥俾個下台階你，你點都唔領情？你為咗錢，搞個假嘅遺囑出嚟呃大家？你點先肯認呀？等收律師信呀！」，林澄也不給方學勤單獨一個發聲的機會，同時間指控對方：「我就係睇唔慣你哋嘅私生活一塌糊塗，罔顧家族嘅利益，所以一分一毫子都唔分俾你哋！」，矛盾衝突達到最高點。

網民睇完紛紛拍手叫好：「呢段戲勁呀！陳曉華氣勢好強！」、「超級有戲劇張力，好鍾意呢段」、「睇到我都唔記得呼吸⋯⋯好精彩，真係好精彩！」