重案解密｜苗僑偉陶大宇相隔40年再同框 拔槍對峙眼神交戲張力十足

之後周永權綁架富豪賀仲昆(史洪波飾)，但周永權收到贖金後仍將肉參撕票 ，警方高度關注事件。而且，他將富豪虐殺一幕非常殘忍，先用棍毆打富豪，再用膠袋笠頭，盡顯兇殘個性。

周永權再到老人院探望杜震華，杜凱斌與對方撞到正，二人立即拔槍對峙，杜凱斌槍指永權，永權則持槍對着全神貫注睇波、懵然不知身陷險境的杜震華，場面緊張。

周永權威脅凱斌放他離開，「華叔有心臟病，唔嚇得」、「出面成班老人家，啲子彈冇眼，呢個鍋你孭唔起」。

其後，周永權趁機逃脫，去了凱斌屋企挾持李思怡 （周家怡飾），並兇狠地說：「我可以好肯定話你知我有事，你老婆條命都唔係命，仲係一屍兩命。」

凱斌又大罵永權害死妹妹杜凱琳，永權承認當年禁錮杜凱琳 ，但因女方想逃走，被他手下發現才施毒手，整件事乃是意外，更理直氣壯反駁:「 佢嘅死同我完全冇關係」、「係我兩條𡃁做多咗嘢咋 」、「以前華叔咁照顧我，你個妹出咗事，我都好唔安樂」。

當凱斌愈講愈激動指永權找刀手殺死馬小東，永權竟說:「我有畀安家費㗎」、「你唔好講到咩都因為我而起！」足見其角色性格兇殘，絕不覺自己有做錯。

最終，嚴灼穎（岑麗香飾）趕到凱斌屋企，叫永權放了思怡，其實借機要永權行近露台，更用手指扮槍指着永權，並作出警告:「你再唔放低槍，我就開槍」 原來警方一早安排狙擊手在對面大廈準備開槍，終永權被射殺。