逆天奇案2︱王菲化身強勢老婆搶Fo　鬧爆鄭俊弘竟然嗌爽？

《逆天奇案2》由劉家豪總監製、陳志江監製、岑國榮、孫浩浩擔任編審，逢周一至周五晚八點半翡翠台播映。昨晚（10日）一集，飾演鄭俊弘太太的王菲演出亮眼，劇中王菲是一位強勢型老婆，不時向老公破口大罵，王菲將角色的巴渣潑辣演繹到位，有網友留言大讚：「做得好好啊，你個面部表情同演技唔似係新人」、「有角色畀你發揮，你嘅演技很有進步，努力，加油！」

延伸閱讀：逆天奇案2劇情｜全30集劇透懶人包（持續更新中）危機四伏！陳展鵬/黃智賢/林夏薇/蔣祖曼攜手破奇案

其中一場戲，鄭俊弘更被王菲鬧足成程車，認真陰功豬!劇集出街後，王菲在社交網上載拍攝花絮照，留言：「呢場戲我都唔記得係車到鬧咗Fred幾多次🤣辛苦晒畀我鬧足成程車🙊🙏🏼但表示真係演得幾爽🤘🏼很有趣的經驗，開心參演《逆天奇案2》🎬」慘遭鬧爆的Fred唔嬲不特止，更搞笑回覆：「Yeaaaa!!!!」