逆天奇案2︱梁小冰陳嘉輝相隔23年再合作第4度演一對　一Take過拍攝連場喊戲晒演戲功架

《逆天奇案2》逢周一至周五晚八點半翡翠台播映，昨晚（17日）一集劇情峰迴路轉，歷盡不幸的阿蘭（梁小冰飾）最終接受徐仁達（陳嘉輝飾）追求譜黃昏戀。原來仁達以前正是阿蘭親哥哥幫派中的小混混，足足暗戀了阿蘭30多年，直到今時今日重遇阿蘭終鼓起勇氣起表白。原以為阿蘭終可找到幸福，可惜仁達偏偏在此時無辜捲入一單藏槍案，更遭受警方扣查。擔心得六神無主的阿蘭向曾愧對自己的莫Sir（李國麟飾）求助，莫Sir在公在私決定動用O記接手案件，可惜依然未能尋獲對仁達有利證據，阿蘭最終竟決定犧牲自己幫仁達頂罪…..
延伸閱讀：逆天奇案2劇情｜全30集劇透懶人包（持續更新中）危機四伏！陳展鵬/黃智賢/林夏薇/蔣祖曼攜手破奇案

相隔26年再亮相TVB劇集的梁小冰，昨晚一集與真．老公陳嘉輝相隔23年再合作，今次更是兩人第4度演一對！講到與老公嘉輝哥再度合作，小冰笑言兩人默契依舊，並笑言全靠有嘉輝哥做拍檔：「我哋會喺屋企對好晒啲對白，但唔會排戲，因為到現場先演會撞到個火花出嚟。我好多謝佢，佢係睇住你嘅情緒再去交對白，例如會睇住你啲眼淚流晒落嚟，佢先去下一Part（對白），冇一個拍檔係可以事隔咁多年個默契都仲可以喺度。」小冰又大讚老公專業：「佢好有紀律，唔止準時仲會早到，所有對白都記到滾瓜爛熟，同埋佢係一個好好先生，唔鍾意同人鬧交，同所有人都交流得好好。」小冰笑謂與嘉輝哥合作過的女演員都有讚冇彈：「好似鍾嘉欣、蘇玉華、陳瀅、反骨琪（蔣家旻）佢哋見到我，都會話你老公好正，真係一個好好嘅對手，我真係覺得好幸福。」

講到劇中差不多由頭喊到落尾，小冰說：「差唔多全部一Take過，最主要係入片場時已經進入個情緒，一個演員必須具備嘅技能就係共情，咁樣你先可以代入到個角色，有好多嘢你冇可能現實生活上經歷到，做演員好玩就係呢啲囉！」昨晚一集尾聲，客串演出記者的鄒凱光為一單槍擊案提供了新線索，令黃智賢飾演的Nic Sir成功找到還嘉輝哥清白的關鍵證據？密切留意今晚播出一集《逆天奇案2》。