逆天奇案2︱56歲黃智賢打得出色歸功武指　容天佑拍打戲被一樣嘢考起

《逆天奇案2》由劉家豪總監製、陳志江監製、岑國榮、孫浩浩擔任編審，逢周一至周五晚八點半翡翠台播映，主要演員包括陳展鵬、林夏薇、馮盈盈、黃智賢、蔣祖曼、張頴康、劉佩玥、方力申及高鈞賢等。昨晚（2日）一集，首個單元「殺手的終極任務」終於落幕，原來霍太（麥玲玲飾）因為炒燶股票要填氹500億，故利用殺手執行暗殺任務來討好 哈多爾富商巴金，希望藉此機會翻生！不過當霍太帶同2名殺手與巴金見面時，始發現2名殺手終極目標竟是巴金，2人一見巴金便手刃對方，現場隨即爆發槍戰！阿森（陳展鵬飾）、阿力（黃智賢Ben飾）與口水言（容天佑飾）趕到現場，三人與殺手再次上演連場埋身肉搏，口水言更差點被殺手以鐵棍打死，幸好莊家新（董敬文飾）帶領支援趕到現場將殺手擊斃，口水言才逃過一劫，最終霍太因非法操縱股市和串謀謀殺被捕。

延伸閱讀：逆天奇案2劇情｜全30集劇透懶人包（持續更新中）危機四伏！陳展鵬/黃智賢/林夏薇/蔣祖曼攜手破奇案

追車打戲同樣是焦點所在，現年56歲的Ben打戲連場，身手依然靈活，他受訪時笑言：「平時都有做開運動，但係打戲時要即時度即時做，所以都幾有挑戰性，感覺都有少少吃力，因為有時要好短時間做啲動作 ，都有NG嘅，始終都打咗成日有啲攰，但都要盡量展現到角色嘅英勇。」Ben透露追車打戲足足拍了一天，他特別感謝武指的幫助：「武指偉師傅好好 ，佢會因應我哋體能度啲我哋做得到嘅招式，拍出嚟效果好似好打得咁，但現場都知道其實有啲笨手笨腳。同埋當時都拍得幾辛苦，因為天氣都好熱，依家睇到成果拍得咁好，覺得辛苦都係值得！」容天佑同樣指該場戲好辛苦：「拍攝當日係台風前後啲日子，天氣好焗，未拍時已經身水身汗，啲動作又要擒上擒落起腳打，所以衫褲都畀啲汗啜到實晒，好難做到動作，同埋嗰日大家都有少少中暑跡象，好靚仔嗰個僱傭兵（莫浩峰）中埋暑添！」