逆天奇案2︱林夏薇陳展鵬情海翻波　網友錯重點睇呢樣嘢！

《逆天奇案2》逢周一至周五晚八點半翡翠台播映，昨晚（18日）一集森Sir（陳展鵬飾）和阿Wing（林夏薇飾）的關係再有新變化！已經分手的森Sir和阿Wing因為中學同學回港結婚的關係，兩人陪同同學重返母學拍攝婚照片，拍攝期間勾起兩人定情回憶。覺得阿Wing未忘情的森Sir決定鼓起勇氣向她表白求復合，他帶阿Wing去到寫上「許浚森愛馬穎思一生一世！」山坡邊表白：「呢句說話係我18歲時寫低，就算38歲、48歲甚至在乎88歲都好，我對你都係唔會變，許浚森愛馬穎思一生一世，就算等幾耐都好，我都會等㗎！」雖然阿Wing感動到眼濕濕，但她堅持向森Sir Say No，她說：「我同你以前嗰段關係，已經喺心入面正正式式過咗去，係我自己太天真以為同你再見亦是朋友，但原來呢啲嘢只係睇戲、聽歌先會有，我諗我哋唔應該做朋友，應該只可以做同事！」莫非森Sir與阿Wing的關係就此結束？

延伸閱讀：逆天奇案2劇情｜全30集劇透懶人包（持續更新中）危機四伏！陳展鵬/黃智賢/林夏薇/蔣祖曼攜手破奇案

網友除了關注森Sir與阿Wing的感情狀況外，亦有部分網友錯晒重點留意薇薇的迷人鎖骨！皆因昨晚一集，阿Wing以白色露肩裙上陣，大晒白滑香肩和迷人鎖骨，仙氣指數爆標！薇薇向來身材保養得宜，早前為了一幕短短的做瑜伽鏡頭，每晚收工後都會狂操半個鐘以上，務求晒出完美的馬甲線，認真有要求！