虛擬情人｜倪嘉雯大晒甜美笑容＋少女式奔跑獲讚「秀髮超美」 大方公開超認真護髮心得！

昨晚一集《虛擬情人》講到陳大明（鄧智堅飾）親妹阿Moon（倪嘉雯飾）因中文科成績未如理想悶悶不樂，故找當年曾修讀同一科的程晴（王敏奕飾）幫忙。不過原來阿Moon傷心的主因是被曹正然教授（林景程飾）玩弄感情…原來當年程晴亦同樣誤墮斯文敗類曹正然的公式化追女仔技倆，最終程晴與阿Moon聯手向曹正然「以牙還牙」，令男方身敗名裂…

延伸閱讀： 虛擬情人劇情及演員名單｜全15集劇透懶人包（持續更新）王敏奕/朱敏瀚/黃子恆 以人工智能計算愛的程式

向來是網民寵兒的倪嘉雯（Carmen），昨晚甫登場即引發不少關注，無論是甜美笑容、委屈爆喊、或是充滿少女情懷的開心小奔跑，都成功冧倒不少網民，網民留言大讚靚女兼笑容甜美之餘，還大讚Carmen「秀髮超美」。原來《虛擬情人》是Carmen首個要拍攝喊戲場口的劇集，對於自己當時表現，Carmen接受tvb.com自嘲「太幼嫰」：「我睇番自己嗰時嘅演技好幼嫩呀！真係有好大進步空間。因為呢套劇都拍咗一段時間，對於當時嘅我嚟講哩係好有挑戰性、同埋拍之前都好期待嘅。我記得當時自己拍攝經驗唔多，最多都係做主角後生版，但係要情緒波動同喊晒嘅戲我印象中嗰時之前真係未做過。」

開心Share超認真護髮心得

Carmen續指由於喊戲對手是前輩林景程，故拍攝前夕難免感到緊張，但幸好景程全程耐心照顧及教導，令Carmen可以在完全放鬆的心情下完成拍攝：「雖然景程係前輩，但我哋對戲時，佢係完全令到我感覺唔到有壓力，佢會叫我放鬆啲，我好記得嗰場我第一take係做唔到嘅，但景程有畀空間我去蘊釀情緒之餘，亦有同我分享佢一啲心得、亦有喺對白度幫我，所以我真係好多謝佢。」對於秀髮獲讚，Carmen坦言很開心，並大方公開護髮心得：「好多謝網民有留意到我把頭髮，因為我其實好用心打理架（開心笑）。因為拍劇唔同角色都會有唔同髮色要求，我淨係開劇先會染頭髮，如果唔使開劇就會畀頭髮抖下，好少染頭髮。另外因為成日set頭，所以平時我會將髮膜當護髮素用，洗完頭一定會用髮尾油，用任何熱嘅嘢好似吹頭、夾頭髮前，都一定會先搽抗熱product打底，同埋個個月都做一次hair treatment。」