虛擬情人｜朱敏瀚拍完《拳王》後養成Keep住每天去健身室鍛煉的習慣 打造完美身材

由徐正康及新晉監製林瑋澄聯合監製、翁善瑩編審的純愛小品劇集《虛擬情人》，將接棒《奪命提示》、於4月28日起逢周一至周五晚八點半翡翠台播映，主要演員有王敏奕、朱敏瀚、黃子恆、譚嘉儀、林景程、袁文傑、鄧智堅、楊卓娜、倪嘉雯及周志康等。

《虛擬情人》女主角程晴（王敏奕飾）是虛擬情人平台「Love Virtually」創辦人兼首席技術長，讀書時因有感坊間正常筍盤極少，遂利用自身AI知識打造「虛擬完美情人」Adam（朱敏瀚飾）；十年間，Adam在虛擬世界爆紅，「Love Virtually」另一創辦人井俊二（黃子恆飾）銳意推出以性感肌男做主打的7.0 version乘勝追擊！「完美肌男」版Adam Body相當屈機，除背脊肌肉紋理清晰、結實有致，44吋胸肌更是相當震撼。朱仔接受TVB.COM訪問時，透露自2012年拍畢劇集《拳王》後，便養成Keep住每天去健身室鍛煉的習慣，朱仔說：「其實好嘅身體狀態都係一個藝人嘅條件之一，咁當時我拍完《拳王》之後，我覺得自己個膊頭同埋背肌都比較弱，所以都有針對呢兩個部位下咗啲苦功，因為都想個比例靚啲。拍呢套劇《虛擬》嘅時候，應該係我最弗嘅時候。」朱仔又笑言為在鏡頭前保持最佳狀態，拍攝場口亦被他善用為流動健身室：「我會成日問啲Crew攞啲重嘅拍攝道具嚟做Gym，劇組仲特登喺廠畀咗我一個做Gym嘅Area。」