臥底嬌娃｜馬貫東陳瀅親身上陣柔道大戰親爆對方被撻落地冇嗌辛苦：佢好捱得

點讚

撰文：柔娛絲

發佈日期：2026-03-23 14:00

熱播中的《臥底嬌娃》進入結局周，今晚（23日）一集柔道高手妙姿（陳瀅飾）與奕風（馬貫東飾）對打。妙姿與奕風最初對打時，她使出拿手過肩摔奕風落地，奕風明顯讓賽，絕無還手，其後妙姿叫他不要相讓表示「我要真真正正同你打番場」。

妙姿與奕風眼神有火各不相讓，互相撻來撻去，見妙姿更女力士上身，想抱起奕風，二人打得難分難解，非常厲害。一班觀眾也指陳瀅簡直是「女力士」，又指想不到她「撻人咁勁」，笑言「唔敢得罪佢」。

馬貫東接受tvb.com獨家訪問直言這場口二人也是親身上身，更大讚陳瀅十分敬業，「有次撻得佢幾傷，因為我跣手捉唔住佢個領，跟住佢就真係撻咗落地，嗰下撻落去佢應該幾暈，所以之後佢都要唞咗陣先再拍，但佢冇講過辛苦，非常捱得。」

他指該場口拍了多個小時，絕對是體力的考驗，「拍完武術指導要嘅嘢之後，都有繼續roll機畀我哋自由搏擊，拍完之後成個人都散晒。」

另外，早前陳瀅受訪也親爆最難忘與馬貫東對打，「我記得拍完嗰場戲後，阿東周圍同人講『唔好追陳瀅，佢好恐怖』，因為我好大力，同埋追住佢嚟打，就算導演叫Cut，我都唔識得停，不停追住佢，佢好驚，好搞笑。」

主頁