臥底嬌娃｜李海銅「盈風」CP甜爆！親爆馬貫東內向暖男真性情：佢好尊重我嘅意見

而奕風替世豪（杜燕歌飾）收數期間遇到嘉盈，二人相認，漸漸走近並拍拖。當中在奕風的嫲嫲離世場口，嘉盈不離不棄陪伴奕風，更對他說：「我唔走，以後都唔走，你畀我陪住你啦」令奕風大表感動。

另一場，嘉盈在奕風家中為其煮飯，不但展現「入得廚房出得廳堂」的一面外，再加上「女神光」的照射兼秀髮飄逸下，難怪令奕風迷倒。

不少觀眾也指二人十分合襯，更指感受到他們平淡的甜蜜，紛紛留言「原來嘉盈嘅麻煩友係佢」、「佢兩個都Sweet喎」、「點解佢哋唔係happy ending」、「睇得出潘奕風好愛佢」。

談到不少網民讚二人有CP感，李海銅接受tvb.com獨家訪問感謝大家支持，並指與馬貫東首次合作，大讚其為人友善，「我哋第一日開工，就係靈堂講佢嫲嫲離世嗰場，阿東好好，佢知我係新人，雖然佢係比較內向嘅人 ，但係佢都好主動釋出善意，第一日開工就同我傾偈，令到我哋可以互相了解大家。」

她指馬貫東不時給予意見，令出來的效果更好，「作為男主角嘅佢， 每日孭住全日rundown ，但佢都好願意放工之後留低，寧願犧牲自己返屋企休息嘅時間，都同我一齊討論第二日嘅場口點樣拍。雖然佢經驗豐富過我，但係佢都好尊重我嘅意見，大家真係拋晒所有諗法出嚟討論 ，夾一個大家認為最好嘅演繹，所以我都好感激佢教識我好多嘢。」