/public/tvbcom/article/images/202602/afab7214-2f94-4992-aefc-cb30efa65734.jpg)
《臥底嬌娃》現正熱播中，劇中李海銅演陳瀅閨密，同樣令人注視。今晚（24日）一集講到江妙姿（陳瀅飾）的住所出現命案，看見森仔（馮皓揚飾）誤吸毒品失控殺人，令妙姿不敢相信，嘉盈（李海銅飾）在旁陪伴安慰妙姿，更叫她到自己屋企暫住。
李海銅除了仙氣外表令網民勁like外，其在劇中對陳瀅的無條件支持，姊妹情深，更令觀眾動容。
延伸閱讀：臥底嬌娃｜陳瀅自爆最性感一幕！「黃金32C」弗爆身材引熱討 親爆鏡頭背後咁拍
臥底嬌娃｜張曦雯做瑜伽露小蠻腰展美好身段 戲外學普拉提成功挑戰倒立
臥底嬌娃｜馬貫東1分鐘打戲場口拍足全日 草地暴曬4個鐘似焗桑拿：最辛苦嘅一次
:quality(80)/public/tvbcom/article/images/202602/2b87083c-279e-4d12-8649-15555b7a7ed2.png)
李海銅畢業於2023年第32期TVB藝訓班，不但憑《逆天奇案2》飾演「隔籬茶餐廳太子女」、《反黑英雄》的施暴MK妹等角色成功彈出，早前《刑偵12》中的「曾嘉儀」，衣衫襤褸的她暈倒馬路戲份，畫面震撼，更令觀眾留下深刻印象。
今次在劇中有不少戲份的李海銅接受tvb.com獨家訪問直言拍此劇時只剛入行兩年半，「當我收到劇本見到有咁多戲份，真係受寵若驚 ，好感激方駿釗監製畀呢個機會我。」
她直認開工初期緊張不已，「我一聽到roll機嗰下內心都會有啲震，但監製、導演同埋對手全部都好好，唔單只冇畀壓力我，仲會提點我喺一啲對白節奏上要改善嘅地方，所以喺呢套劇令我獲益良多，之後仲運用到喺其他劇，變得成個人冇咁怯。」
今次與陳瀅演閨密，李海銅直言因害羞和慢熱性格，最初不敢主動找對方聊天，「但佢非常友善，第一日同佢喺廠拍攝放晚飯，佢特登同我一齊去canteen食飯，大家傾偈互相認識，拍攝嘅時候佢亦都會畀好多建議我。」
她自言每次一緊張，說對白便會很快，陳瀅則在其身邊提點她，「我記得有一場有好多對白要講，可能我講得太快，節奏都有啲奇怪，自己變得好緊張，但阿瀅超好，捉住我手臂話慢慢嚟唔好急 ，諗下平時同好朋友傾偈係點。」
李海銅指陳瀅如一位大姐姐十分照顧她，「因為我成日都好緊張 ，佢成日都會拍我膊頭叫我放鬆啲，又好有耐性同我對戲，仲好願意接納我嘅提議，所以好感激佢。」
