臥底嬌娃｜張曦雯親揭角色「牛咁眼」有原因 陳瀅演柔道高手難忘追打馬貫東 羅毓儀背超多資料零難度

在劇中演行為心理學家的張曦雯 ，有女版福爾摩斯之稱，透過大家的微表情能瞬間看穿謊言，是團隊中的指揮官。

張曦雯接受tvb.com獨家訪問指這個角色聰明有智慧，「佢要成日觀察人，又要講好多學術性嘅嘢，所以講嘢嘅語速都比較快，而我覺得比較難係成日都要望實人，仲要望到實一實，因為要睇對方有冇講大話。」

劇中要學唱歌跳舞成女團，她指向來有唱歌和跳舞的底子，「 平時我哋都要登台，同埋細個都有學跳舞，所以對我嚟講都唔係好難，雖然色士風就係扮吹，但我都有學專業演奏點樣吹嘅姿勢同呼吸。」

雖然女團的衣服是貼身短裙，張曦雯自言當時也沒有怎樣Keep Fit，「因為嗰時除咗平時開工外， 休息時段就去排舞、 學唱歌同錄歌等，當時仲宣傳緊兩套台慶劇，所以時間表都好密，唔需要特別Keep都好啱身。」

至於為劇中打女擔當的陳瀅為柔道高手，受訪時指要撻一個很重的沙包，難度十足 ，又親爆最難忘與馬貫東對打，「我記得拍完嗰場戲後，阿東周圍同人講『唔好追陳瀅，佢好恐怖 』，因為我好大力，同埋追住佢嚟打，就算導演叫Cut，我都唔識得停，不停追住佢，佢好驚，好搞笑。」

同樣為女團成員之一的她自言一圓心願，全因其小時候已想做女團，「讀書時我已經舉手參加組一個團做show，嗰時我已經好鍾意喺大家面前表演，所以今次能夠組女團，我覺得好興奮， 跳舞同唱歌對我嚟講都唔會太吃力。」

她均表示當時沒有特別Keep Fit ，反而大家會吃多一點 ，保持有能量開劇兼唱歌跳舞。

另外，羅毓儀在當中則有「行走資料庫」之稱，記憶力強，不時讀出很多資料性的對白，對此她自言在開劇前做足功課，「我對自己嘅記憶力都有信心，會事前背熟晒啲對白，就算比較難嘅對白都會預早處理，唔會到時要NG。」

戲外有夾Band經驗的她，唱歌絕無難度，原來今次她成女團也完成其目標，「之前收過公司通知返內地選女團，我都有試下參加，但最後都落選，所以今次完成咗之前做唔到嘅嘢。」