臥底嬌娃｜周百恩暴打陳瀅超緊張科班出身演《愛．回家》鐵手成功入屋：好有壓力

點讚

撰文：柔娛絲

發佈日期：2026-03-06 14:00

《臥底嬌娃》現正熱播中，今晚（6日）一集，講到江妙姿（陳瀅飾）遭被炒的保鏢（程浩駿飾）報復偷襲，獲江瀚東（周百恩飾）相救。

其後他捉住妙姿條頸表示「好彩我喺度，你睇吓你依家惹埋咩人？」再捉着其手質問她，「做咩唔聽我電話，避開我呀？」

當妙姿想走時，江瀚東不但推倒對方大罵說：「趁我唔喺度，過嚟屋企執野又唔講聲，當我屋企係咩？」更對她拳打腳踢，幸好最終潘奕風（馬貫東飾）出現才沒事。

網民指想不到周百恩如此兇狠，又指今次他染上一頭金髮，形象與以往大不同，令人有新鮮感，紛紛留言表示「鐵手咁壞嘅咩？」、「鐵手好惡呀」、「佢唔通係陳瀅前度？」。

今次乃是周百恩首拍動作戲，他接受tvb.com獨家訪問表示心情十分緊張，「我記得同程浩駿打嗰場，因為要連打幾拳，最後一拳唔小心打咗落佢肚腩度冇收到力，我勁唔好意思同佢道歉，但佢個人好好話冇事，唔緊要。」

至於要「暴打」陳瀅，他直認有壓力驚弄傷對方，「我事前都有同佢溝通會捉住佢咩位，佢個人好爽好直，大家溝通得好好，所以最後到拍攝時好順利，好快就搞掂。」

周百恩在南京藝術學院以及北京電影學院主修表演系畢業，名副其實的科班出身，他畢業後於2021年參加TVB藝員訓練班入行。近年他憑《愛·回家之開心速遞》演大小姐（林淑敏飾）的秘書鐵手，一副戇直性格加上與大小姐有不少笑料，令其成功入屋。

另外，他曾在《福祿壽訓練學院》中2分鐘扮5個角色，又試過「神還原」蘇民峰大玩「數白欖式睇相」，令全場拍爛手掌，獲很多觀眾大讚有才華。

主頁